భారతీయులకు ఆధార్ అత్యంత కీలకమైన గుర్తింపు పత్రంగా మారింది. సాధారణంగా అందరూ తెల్ల రంగు ఆధార్ కార్డును వాడుతుంటారు. అయితే ఐదేళ్లలోపు పిల్లల కోసం ప్రత్యేకంగా యూనిక్ ఐడెంటిఫికేషన్ అథారిటీ ఆఫ్ ఇండియా నీలి రంగులో ‘బాల ఆధార్’ను జారీ చేస్తోంది. ఈ రెండు కార్డుల మధ్య ప్రధానంగా బయోమెట్రిక్ వివరాలు మరియు వినియోగంలో కీలకమైన తేడాలు ఉన్నాయి. సాధారణ తెల్ల ఆధార్ కార్డు కలిగిన ఐదేళ్లు దాటిన వారి నుంచి 10 వేళ్ల వేలిముద్రలు, కనుపాప వివరాలను సేకరిస్తారు. ఇది పూర్తిగా స్వతంత్ర వ్యక్తిగత గుర్తింపు పత్రంగా పనిచేస్తుంది. దీనికి విరుద్ధంగా, ఐదేళ్లలోపు పిల్లల వేలిముద్రలు, కనుపాప నమూనాలు ఇంకా అభివృద్ధి చెందుతుంటాయి కాబట్టి నీలి రంగు బాల ఆధార్లో బయోమెట్రిక్ వివరాలు తీసుకోరు. కేవలం పిల్లల ఫోటో, ప్రాథమిక వివరాలను సేకరించి, తల్లిదండ్రులలో ఒకరి ఆధార్ నంబర్తో దీనిని అనుసంధానిస్తారు. అందువల్ల ఇది స్వతంత్ర గుర్తింపు పత్రంగా పనిచేయదు. పిల్లల వయస్సు ఐదేళ్లు నిండిన తర్వాత తప్పనిసరిగా బయోమెట్రిక్ వివరాలను అప్డేట్ చేయాల్సి ఉంటుంది. ఈ ప్రక్రియ పూర్తి కాకపోతే ఆధార్ నిష్క్రియం అయ్యే అవకాశం ఉంది. బయోమెట్రిక్ అప్డేట్ చేసిన తర్వాత ఈ నీలి కార్డు సాధారణ తెల్ల ఆధార్గా మారుతుంది. ఆ తర్వాత మళ్లీ 15 ఏళ్ల వయస్సులో మరోసారి బయోమెట్రిక్ వివరాలను అప్డేట్ చేయాలి. 5 మరియు 15 సంవత్సరాల వయస్సులో ఈ కొత్త నమోదులు, నవీకరణలను UIDAI పూర్తిగా ఉచితంగా అందిస్తోంది. బాల ఆధార్ విషయానికి వస్తే.. దీని కోసం దరఖాస్తు చేసుకోవడం చాలా సులభం. జనన ధృవీకరణ పత్రం లేదా ఆసుపత్రి డిశ్చార్జ్ స్లిప్, తల్లిదండ్రులలో ఒకరి ఒరిజినల్ ఆధార్ కార్డును తీసుకుని సమీపంలోని ఆధార్ కేంద్రానికి వెళ్లాలి. అక్కడ పిల్లల ఫోటో తీసి వివరాలను నమోదు చేస్తారు. ధృవీకరణ పూర్తయ్యాక కార్డు మీ చిరునామాకు వస్తుంది.
మరిన్ని వీడియోల కోసం ఇక్కడ క్లిక్ చేయండి
Also Watch:
ఆ చేపలను తినకండి.. ప్రజలకు ప్రభుత్వం హెచ్చరిక!
ఎలక్ట్రిక్ వెహికల్ కొంటున్నారా.. ఇది మీకోసమే
ఆటగాళ్ల ఫిట్నెస్పై బీసీసీఐ సంచలన నిర్ణయం..
అదుపు తప్పి బావి వైపు దూసుకెళ్లిన ఆర్టీసీ బస్సు.. 54 మంది ప్రయాణికులు…!
ఏంది సామీ ఇదీ.. మీరు డాక్టర్లా..మంత్రగాళ్లా..!