వర్షం పడినా, సాయంత్రం టీ సమయమైనా మన మనసు వెంటనే కోరుకునే స్నాక్ సమోసా. కరకరలాడే పైపొర, లోపల ఆలుగడ్డ మసాలా నింపి నూనెలో వేయించిన వేడివేడి సమోసాను ఇష్టపడని వారు దాదాపు ఉండరు. ఉత్తర భారతం నుండి దక్షిణ భారతం వరకు ప్రతి గల్లీలోనూ సమోసా అత్యంత ప్రజాదరణ పొందిన ఆహార పదార్థం. అయితే రోజూ మనం ఎంతో ఇష్టంగా తినే ఈ సమోసాను ఇంగ్లీషులో ఏమని పిలుస్తారో మీకు తెలుసా? చాలామంది సమోసాను ఇంగ్లీషులో కూడా Samosa అనే పిలుస్తారని అనుకుంటారు. కానీ ఆంగ్ల డిక్షనరీ ప్రకారం సమోసాకు ఒక ప్రత్యేకమైన పేరు ఉందనే విషయం 99శాతం మందికి తెలియదు.
సమోసాకు ఇంగ్లీష్ పేరు ఏంటీ?
ఇంగ్లీష్ డిక్షనరీ, వ్యాకరణ నిపుణుల ప్రకారం సమోసాను సావరీ ఫ్రైడ్ పేస్ట్రీ అని పిలుస్తారు.
- Savory: కారం, ఉప్పు లేదా మసాలా రుచి కలిగిన పదార్థం.
- Fried : నూనెలో వేయించినది.
- Pastry : మైదా లేదా పిండితో తయారు చేసిన పైపొర.
అయితే దీనిని కొన్ని ప్రాంతాల్లో రూపం ఆధారంగా ట్రయాంగిల్ పై లేదా రిసోల్ అని కూడా వ్యవహరిస్తుంటారు.
అసలు సమోసా మన దేశానికి ఎలా వచ్చింది?
సమోసా అనగానే మన భారతీయ సాంప్రదాయ వంటకమే అని అందరూ భావిస్తారు. కానీ సమోసా పుట్టింది మన దేశంలో కాదు. దీని మూలాలు పద పదవ శతాబ్దానికి చెందిన మధ్యప్రాచ్యంలో ఉన్నాయి. అక్కడ దీనిని సంబోసా లేదా సంబుసక్ అని పిలిచేవారు. దమూడో శతాబ్దంలో మధ్యప్రాచ్యం నుంచి వచ్చిన పర్షియన్ వ్యాపారులు, వంటగాళ్ల ద్వారా ఈ రుచికరమైన స్నాక్ భారత ఉపఖండానికి చేరుకుంది. కాలక్రమేణా భారతీయ శైలికి తగ్గట్టుగా ఇందులో ఆలుగడ్డ, బటానీలు, మసాలాలు చేర్చడంతో ఇది సమోసాగా మారి దేశవ్యాప్తంగా అపారమైన ప్రజాదరణ పొందింది.
గ్లోబల్ నేమ్గా సమోసా
ఇంగ్లీషులో సావరీ ఫ్రైడ్ పేస్ట్రీ అనే అధికారిక వివరణ ఉన్నప్పటికీ.. ఆక్స్ఫర్డ్ డిక్షనరీ కూడా Samosa అనే పదాన్ని నేరుగా ఇంగ్లీష్ భాషలోకి స్వీకరించింది. ప్రపంచవ్యాప్తంగా ఇండియన్ ఫుడ్ ప్రాచుర్యం పొందడంతో ఇప్పుడు విదేశీయులు కూడా దీనిని సమోసా అని పిలవడానికే ఎక్కువ ప్రాధాన్యత ఇస్తున్నారు. ఏది ఏమైనా, పేరు ఏదైనా సరే.. టీ టైమ్లో వేడివేడి సమోసా ఇచ్చే ఆ కిక్కే వేరు.