Ajinkya Rahane : టీమిండియా సీనియర్ మిడిల్ ఆర్డర్ బ్యాట్స్మన్, మాజీ వైస్ కెప్టెన్ అజింక్య రహానే(38) గురువారం అంతర్జాతీయ క్రికెట్తో పాటు అన్ని రకాల ఫార్మాట్ల నుంచి రిటైర్మెంట్ ప్రకటించారు. దాదాపు రెండు దశాబ్దాల సుదీర్ఘ కెరీర్లో టీమిండియాకు ఎన్నో చిరస్మరణీయ విజయాలనందించిన రహానే, సోషల్ మీడియాలో ఒక భావోద్వేగ వీడియోను షేర్ చేస్తూ వీడ్కోలు పలికారు. ఈ వార్త తెలియగానే ప్రపంచ వ్యాప్తంగా ఉన్న క్రికెట్ దిగ్గజాలు, అభిమానులు ఆయనకు శుభాకాంక్షలు తెలుపుతూ పాత జ్ఞాపకాలను నెమరువేసుకుంటున్నారు.
విరాట్ కోహ్లీ ఎమోషనల్ పోస్ట్
రహానే రిటైర్మెంట్పై మాజీ కెప్టెన్ విరాట్ కోహ్లీ అత్యంత భావోద్వేగంగా స్పందించారు. టెస్ట్ జెర్సీలో రహానేతో కలిసి ఉన్న ఫోటోను ఇన్స్టాగ్రామ్లో పంచుకుంటూ.. “క్రికెట్కు నువ్వు చేసిన సేవలు అపారమైనవి. నీ సుదీర్ఘ ప్రయాణం పట్ల నువ్వు ఎంతో గర్వపడాలి. టెస్ట్ క్రికెట్లో నా ఫేవరెట్ పార్ట్నర్ నువ్వే. అంతేకాకుండా స్లిప్ ఫీల్డింగ్లో అత్యంత సురక్షితమైన, నమ్మకమైన చేతులు నీవే” అని కొనియాడారు. రహానే భవిష్యత్తు జీవితం సంతోషంగా సాగాలని కోహ్లీ ఆకాంక్షించారు.
Jinks, congratulations on a great career, buddy. You’ve done wonders for Indian cricket, and you can be very proud of your journey. The safest pair of hands in the slips and my favourite Test batting partner. Wishing you well always. God bless. 🤝🇮🇳@ajinkyarahane88 pic.twitter.com/bHGaas41gO
— Virat Kohli (@imVkohli) July 30, 2026
రహానే కెరీర్ గణాంకాలు, కెప్టెన్సీ రికార్డులు
రహానే భారత జట్టు తరఫున 85 టెస్ట్ మ్యాచ్ల్లో 144 ఇన్నింగ్స్లలో 5077 పరుగులు చేశారు. ఇందులో 12 సెంచరీలు, 26 హాఫ్ సెంచరీలు ఉన్నాయి. విదేశీ మైదానాల్లో, ముఖ్యంగా క్లిష్ట పరిస్థితుల్లో ఆయన ఆడిన ఇన్నింగ్స్లు భారత క్రికెట్ చరిత్రలో నిలిచిపోతాయి. వన్డేల్లో 90 మ్యాచ్లు ఆడి 2962 పరుగులు చేయగా (3 సెంచరీలు, 24 ఫిఫ్టీలు), టి20ల్లోనూ కీలక మ్యాచ్లలో ప్రాతినిధ్యం వహించారు.
Congratulations on a remarkable career, @ajinkyarahane88.
The first time we batted together for Mumbai, I saw someone who never chased moments. They came to you because you were willing to do the hard yards for the team. That same quality defined your finest hour in Australia.…
— Sachin Tendulkar (@sachin_rt) July 30, 2026
ఇక కెప్టెన్గా రహానే రికార్డు అద్భుతం
6 టెస్ట్ మ్యాచ్లకు నాయకత్వం వహించిన ఆయన 4 మ్యాచ్ల్లో విజయం సాధించి, 2 మ్యాచ్లను డ్రాగా ముగించారు. 2020-21 బోర్డర్-గవాస్కర్ ట్రోఫీలో ఆస్ట్రేలియా గడ్డపైనే వారిని 2-1తో ఓడించి చారిత్రాత్మక సిరీస్ విజయాన్ని అందించడం ఆయన కెరీర్లోనే అతిపెద్ద ఘనతగా నిలిచిపోతుంది.
Congratulations on an incredible career, Ajju da. It was an honour sharing the field and dressing room with you. Your calmness, resilience and commitment to the game have inspired so many of us. Wishing you and your family all the very best for this exciting second innings. May… pic.twitter.com/nfoM6yOAo4
— Surya Kumar Yadav (@surya_14kumar) July 30, 2026
దిగ్గజాలు ఎవరు ఏమన్నారంటే?
సచిన్ టెండూల్కర్: ముంబై రంజీ జట్టులో రహానేతో కలిసి తొలిసారి ఆడిన క్షణాలను గుర్తుచేసుకుంటూ, రహానే ఎప్పుడూ స్వార్థం లేకుండా జట్టు కోసమే ఆడాడని ప్రశంసించారు.
యువరాజ్ సింగ్: ఈ తరం టీమిండియా అత్యుత్తమ ఆటగాళ్లలో రహానే ఒకడని, క్లిష్ట సమయంలో జట్టును ఆదుకున్న తీరు అద్భుతమని కొనియాడారు.
హర్భజన్ సింగ్: 2013లో రహానేకు డెబ్యూ క్యాప్ అందించిన విషయాన్ని గుర్తుచేస్తూ, భారత క్రికెట్లో రహానే అత్యంత కష్టపడే ఆటగాడని పేర్కొన్నారు.
సూర్యకుమార్ యాదవ్: రహానేతో డ్రెస్సింగ్ రూమ్ పంచుకోవడం గర్వకారణమని, ఆయన నిగ్రహం, పట్టుదల ప్రతి ఒక్కరికీ ఆదర్శమని అన్నారు.
కేఎల్ రాహుల్: గ్రౌండ్లో ఇద్దరం కలిసి బ్యాటింగ్ చేసిన ఫోటోను షేర్ చేస్తూ రహానే కొత్త జీవితానికి ఆల్ ది బెస్ట్ చెప్పారు.
మరిన్ని క్రికెట్ వార్తల కోసం ఇక్కడ క్లిక్ చేయండి..