ఈ వారం ఓటీటీల్లోకి పలు సూపర్ హిట్ సినిమాలు, వెబ్ సిరీస్ లు స్ట్రీమింగ్ కు వచ్చేశాయి. దీవానా, రావు బహదూర్, గట్టా కుస్తీ 2, చిన్న చిన్న ఆశై, బాలన్ ద బాయ్, లవ్ ఓ లవ్, పోలీస్ కంప్లైంట్ వంటి సినిమాలతో పాటు అబ్జెషన్ మై లార్డ్, హార్ట్ బీట్ సీజన్ 3 లాంటి వెబ్ సిరీస్ లు కూడా ఓటీటీ ఆడియెన్స్ కు వినోదం పంచుతున్నాయి. అయితే వీటితో పాటు ఓ కన్నడ సూపర్ హిట్ క్రైమ్ థ్రిల్లర్ తెలుగు వెర్షన్ సడెన్ గా ఓటీటీలోకి వచ్చేసింది. ఈ ఏడాది ప్రారంభంలో ఈ సినిమా థియేటర్లలో విడుదలై సూపర్ హిట్గా నిలిచింది. ఆడియెన్స్ కు మంచి థ్రిల్లింగ్ ఎక్స్ పీరియెన్స్ ఇచ్చింది. ఆద్యంతం ఆసక్తికరంగా, ఊహించని ట్విస్టులతో సాగే ఈ సినిమాకు బాక్సాఫీస్ వద్ద మంచి కలెక్షన్లే వచ్చాయి. ఐఎమ్ డీబీలోనూ ఈ కన్నడ క్రైమ్ థ్రిల్లర్ కు టాప్ రేటింగ్ దక్కడం విశేషం. థియేటర్లలో సూపర్బ్ రెస్పాన్స్ తెచ్చుకున్న ఈ సినిమా కొద్ది రోజుల క్రితమే ఓటీటీలోకి వచ్చింది. అయితే కేవలం కన్నడ, తమిళ వెర్షన్లు మాత్రమే స్ట్రీమింగ్ కు వచ్చాయ. ఇప్పుడీ సెన్సేషనల్ క్రైమ్ థ్రిల్లర్ మూవీ తెలుగులోనూ స్ట్రీమింగ్ అవుతోంది. ఈ సినిమా స్టోరీ విషయానికి వస్తే.. అనెగడ్డ అనే ఊరి పోలీస్ స్టేషన్ చుట్టూ తిరుగుతుంది. ప్రశాంతంగా ఉండే ఈ గ్రామంలో వరుసగా దారుణ హత్యలు తీవ్ర కలకలం రేపుతాయి. ఓ సైకో కిల్లర్ మెడకు, చేతులకు గొలుసులు కట్టి గ్రామస్తులను అతి దారుణంగా చంపేస్తుంటారు. దీంతో ఊరి ప్రజలు బయటకు వెళ్లాలంటేనే వణికిపోతుంటారు. ఈ సీరియల్ మర్డర్స్ ను ఛేదించడానికి సీతారాం అనే ఒక పవర్ ఫుల్ ఆఫీసర్ రంగంలోకి దిగుతాడు. మరి ఈ బ్రూటల్ మర్డర్స్ వెనుక ఎవరున్నారు?అసలు ప్రశాంతమైన గ్రామంలో అలజడి రేగడానికి కారణమెవరు? సైకో కిల్లర్ ఉద్దేశమేంటి? అతనిని సీతారాం ఎలా పట్టుకున్నాడు? అన్న ప్రశ్నలకు అనేది తెలియాలంటే ఈ మూవీ చూడాల్సిందే.
ఇవి కూడా చదవండి
ప్రస్తుతం ఓటీటీలో ట్రెండ్ అవుతోన్న ఈ క్రైమ్ థ్రిల్లర్ సినిమా పేరు ‘సెకండ్ కేస్ ఆఫ్ సీతారాం’. గతంలో వచ్చిన సూపర్ హిట్ సినిమా సీతారాం బెనోయ్ కేస్ నెం.18 మూవీకి ఇది సీక్వెల్గా తెరకెక్కింది. దేవి ప్రసాద్ శెట్టి తెరకెక్కించిన ఈ సినిమాలో విజయ రాఘవేంద్ర హీరో గా నటించాడు. గోపాల్ దేశ్ పాండే, ఉష భండారి తదితరులు కీలకపాత్రలు పోషించారు. ఫ్లైయింగ్ ఎలిఫెంట్ స్టోరీ టెలర్స్ బ్యానర్పై దేవి ప్రసాద్, సాత్విక్ హెబ్బర్ సంయుక్తంగా ఈ సినిమాను నిర్మించారు. ప్రస్తుతం ఈ క్రైమ్ థ్రిల్లర్ మూవీ ‘అమెజాన్ ప్రైమ్ వీడియో’ తో పాటు లయన్స్ గేట్ ప్లే ఓటీటీల్లో అందుబాటులో ఉంది. క్రైమ్ థ్రిల్లర్స్లో టాప్ ట్రెండింగ్లో నిలిచిన ఈ మూవీ ఇప్పుడు తెలుగులోనూ స్ట్రీమింగ్ అవుతోంది. ఈ వీకెండ్ లో మంచి క్రైమ్ థ్రిల్లర్ సినిమా చూడాలనుకునేవారికి ‘సెకండ్ కేస్ ఆఫ్ సీతారాం’ బెస్ట్ ఆప్షన్ అని చెప్పవచ్చు.
అమెజాన్ ప్రైమ్ లో సెకెండ్ కేస్ ఆఫ్ సీతారం..
After a tremendous response in Kannada, Tamil, and Hindi, #SecondCaseOfSeetharam is now available in Telugu as well..🔥
Now streaming on Amazon Prime Video..✅ pic.twitter.com/g65zvOu2S0
— Manu (@Little_Heartzzz) July 31, 2026
సెకెండ్ కేస్ ఆఫ్ సీతారం ట్రైలర్..
మరిన్ని సినిమా వార్తల కోసం ఇక్కడ క్లిక్ చేయండి.