ఆధునిక జీవనశైలి, విపరీతమైన మానసిక ఒత్తిడి, పోషకాహార లోపం, పొల్యూషన్ వల్ల ప్రస్తుతం చిన్న వయసులోనే జుట్టు తెల్లబడటం అనేది చాలామంది ఎదుర్కొంటున్న ప్రధాన సమస్య. ఈ తెల్ల జుట్టును దాచడానికి చాలామంది మార్కెట్లో దొరికే కెమికల్ డైలు, కలర్స్ లేదా మెహందీ వాడుతుంటారు. కానీ వీటిలోని రసాయనాలు జుట్టును మరింత పొడిబారేలా చేసి, ఊడిపోయేలా చేస్తాయి. అయితే ఎలాంటి కెమికల్ డైలు లేదా మెహందీ అవసరం లేకుండానే.. మన వంటగదిలో లభించే సహజసిద్ధమైన పదార్థాలతో తెల్ల జుట్టును మళ్లీ సహజంగా నల్లగా మార్చుకోవచ్చని నిపుణులు చెబుతున్నారు.
నల్ల నువ్వుల నూనె – ఉసిరి
ఉసిరిలో విటమిన్ సీ, యాంటీ ఆక్సిడెంట్లు పుష్కలంగా ఉంటాయి. ఇవి జుట్టులోని మెలనిన్ పిగ్మెంట్ను మెరుగుపరచడంలో అద్భుతంగా పనిచేస్తాయి. ఎండిన ఉసిరి ముక్కలను లేదా ఉసిరి పొడిని నల్ల నువ్వుల నూనెలో వేసి బాగా మరిగించాలి. నూనె నల్లగా మారిన తర్వాత చల్లార్చి వడకట్టాలి. ఈ నూనెతో క్రమం తప్పకుండా కుదుళ్లకు మసాజ్ చేయడం వల్ల తెల్ల జుట్టు క్రమంగా నల్లబడుతుంది.
కలబంద – కరివేపాకు మాస్క్
కరివేపాకులో విటమిన్ బి కాంప్లెక్స్, ఐరన్ సమృద్ధిగా ఉంటాయి. ఇవి జుట్టు రంగు మారకుండా కాపాడతాయి. గుప్పెడు కరివేపాకును మెత్తగా పేస్ట్ చేసి, దానికి ఫ్రెష్ కలబంద జెల్ కలపాలి. ఈ మిశ్రమాన్ని తలకు పట్టించి 30-40 నిమిషాల తర్వాత తేలికపాటి షాంపూతో తలస్నానం చేయాలి. వారానికి రెండుసార్లు ఈ హెయిర్ ప్యాక్ వాడితే మంచి ఫలితం ఉంటుంది.
బ్లాక్ టీ – కాఫీ డికాక్షన్
జుట్టుకు తక్షణ రంగు, మెరుపును ఇవ్వడానికి నల్ల తేయాకు లేదా కాఫీ వాటర్ నాచురల్ కండిషనర్గా పనిచేస్తాయి. నీటిలో 2-3 స్పూన్ల టీ పొడి లేదా కాఫీ పొడి వేసి బాగా మరిగించి డికాక్షన్ తయారు చేయాలి. ఇది పూర్తిగా చల్లారిన తర్వాత తలకు పట్టించి 45 నిమిషాలు ఉంచుకుని, ఆ తర్వాత కేవలం మంచి నీటితో కడిగేయాలి.
కొబ్బరి నూనె – నిమ్మరసం
కొబ్బరి నూనె కుదుళ్లకు పోషణ అందిస్తే, నిమ్మరసంలో ఉండే విటమిన్ సీ తెల్ల జుట్టును అరికడుతుంది. గోరువెచ్చని కొబ్బరి నూనెలో రెండు చెంచాల నిమ్మరసం కలిపి స్కాల్ప్కు బాగా పట్టించాలి. గంట తర్వాత తలస్నానం చేయాలి. ఇది వెంట్రుకల కుదుళ్లను దృఢంగా మార్చడంతో పాటు నల్లదనాన్ని ని పునరుద్ధరిస్తుంది.
ఉల్లిపాయ రసం
ఉల్లిపాయలో ఉండే కెటలేస్ అనే ఎంజైమ్ జుట్టు నల్లబడటానికి సహాయపడుతుంది. ఉల్లిపాయ రసాన్ని వేరు చేసి నేరుగా తలకు పట్టించాలి. 30 నిమిషాల పాటు ఉంచి శుభ్రం చేసుకోవాలి. ఇది జుట్టు ఊడటాన్ని తగ్గించి, తెల్ల జుట్టును సహజ సిద్ధంగా అదుపు చేస్తుంది.
లోపలి నుంచి ఆరోగ్యం – జీవనశైలి మార్పులు
ప్యాక్లు వేయడమే కాకుండా శరీరానికి సరిపడా పోషకాలు అందడం చాలా ముఖ్యం.
విటమిన్ బి12, ఐరన్ ఆహారం: పాలు, గుడ్లు, ఆకుకూరలు, డ్రై ఫ్రూట్స్ తీసుకోవాలి.
ఒత్తిడి తగ్గించుకోవడం: మానసిక ఒత్తిడి వల్ల జుట్టు త్వరగా తెల్లబడుతుంది. కాబట్టి యోగా, ధ్యానం చేయడం మంచిది.
ధూమపానం నివారించడం: స్మోకింగ్ చేసేవారిలో చిన్న వయసులోనే జుట్టు తెల్లబడే అవకాశం ఎక్కువ.
కెమికల్స్ ఉన్న డైల వల్ల తాత్కాలికంగా నల్లబడినా, భవిష్యత్తులో కుదుళ్లు దెబ్బతింటాయి. కాబట్టి ఓపికగా ఈ సహజసిద్ధమైన గృహచిట్కాలను పాటిస్తే, ఎటువంటి సైడ్ ఎఫెక్ట్స్ లేకుండా జుట్టును ఒత్తుగా, నల్లగా ఉంచుకోవచ్చు.