On This Day In Cricket: స్వాతంత్య్ర దినోత్సవం నాడు దేశమంతా సంబరాల్లో ఉండగా, భారత క్రికెట్ అభిమానుల గుండెలు మాత్రం ముక్కలయ్యాయి. సరిగ్గా 2020 ఆగస్టు 15వ తేదీన ఎంఎస్ ధోనీ, సురేష్ రైనా ఏకకాలంలో అంతర్జాతీయ ఆటకు గుడ్బై చెప్పి యావత్ క్రీడాలోకాన్ని కన్నీట ముంచారు. ఆ భావోద్వేగ క్షణాలకు నేటితో సరిగ్గా ఆరేళ్లు.
ఒకే రోజు.. ఎవరికీ ఊహించని నిర్ణయం..
భారత చరిత్రలో ఆగస్టు 15 ఎంతో ప్రత్యేకమైన రోజు. ఎర్రకోట నుంచి గల్లీ వరకు ప్రతి భారతీయుడు పండుగ చేసుకునే ఆ రోజున, సామాజిక మాధ్యమాల్లో ధోనీ పెట్టిన ఓ చిన్న పోస్ట్ సునామీ సృష్టించింది. తనదైన శైలిలో ఎలాంటి హంగు ఆర్భాటాలు లేకుండా నిశ్శబ్దంగా ఆట నుంచి తప్పుకుంటున్నట్లు ప్రకటించాడు. ఆ షాక్ నుంచి అభిమానులు తేరుకోకముందే, అతడి బాటలోనే నడుస్తూ సురేష్ రైనా కూడా అదే రోజున అంతర్జాతీయ క్రికెట్కు రిటైర్మెంట్ ప్రకటించాడు. ఈ ఇద్దరు పంచుకున్న భావోద్వేగ వీడ్కోలు సందేశాలు, వారి నిరాడంబర వీడ్కోలు ఇప్పటికీ అభిమానుల కళ్లలో నీళ్లు తెప్పిస్తాయి.
ఎక్కువమంది చదివినది: 41 సిక్సర్లు, 39 ఫోర్లతో 487 పరుగులు.. భారీ ప్రపంచ రికార్డ్తో టీ20 హిస్టరీనే షేక్ చేశారుగా..!
ఇవి కూడా చదవండి
మైదానాన్ని దాటిన బంధం..
క్రికెట్ చరిత్రలో ఎంతో మంది ఆటగాళ్లు వస్తుంటారు, పోతుంటారు. ధోనీ, రైనాల ప్రయాణం మాత్రం చాలా ప్రత్యేకం. జాతీయ జట్టులో అయినా, ఫ్రాంచైజీ క్రికెట్లో అయినా వీరిద్దరి కలయిక అద్భుత విజయాలను అందించింది. మిడిల్ ఆర్డర్లో వీరు క్రీజులో ఉంటే ప్రత్యర్థి బౌలర్లకు చుక్కలు కనిపించేవి. విజయాలైనా, అపజయాలైనా ఏనాడూ విడిపోకుండా కలిసి పంచుకునేవారు. కేవలం సహచర ఆటగాళ్లుగానే కాకుండా ఒకరికొకరు సోదరుల్లా ఎదిగారు, వీరి అద్భుతమైన బంధం ఎప్పుడూ క్రికెట్ అనే ఆట కంటే గొప్పదిగానే నిలిచింది.
ఎక్కువమంది చదివినది: IND vs ENG: ప్రపంచ రికార్డ్తో వైభవ్ బీభత్సం గుర్తుందా.. బుడ్డోడి ఊచకోతకు బలైన ఇంగ్లాండ్..!
చెరిగిపోని జ్ఞాపకాలు.. సైలెంట్ వీడ్కోలు..
క్రికెట్ మైదానంలో వికెట్ల వెనుక నిలబడి వ్యూహాలు రచించడంలో ధోనీ దిట్ట. ఆ వ్యూహాలను మైదానంలో అమలు చేయడంలో, ఏ కష్ట సమయాల్లో అయినా జట్టును ఆదుకోవడంలో రైనా ఎప్పుడూ ముందుండేవాడు. 2011 వన్డే ప్రపంచకప్ టోర్నీలో వీరిద్దరి పాత్ర ఎప్పటికీ మరువలేనిది. క్వార్టర్ ఫైనల్, సెమీ ఫైనల్ మ్యాచ్లలో రైనా ఆడిన ఒత్తిడి లేని ఇన్నింగ్స్ భారత జట్టుకు ప్రాణదానం చేశాయి. ఫైనల్లో ధోనీ చారిత్రక సిక్సర్ కొట్టి కప్పు అందించిన తీరు యావత్ దేశాన్ని గర్వపడేలా చేసింది. అటు నాయకుడిగా ధోనీ, ఇటు నమ్మకస్తుడిగా రైనా ప్రేక్షకుల హృదయాల్లో చెరగని ముద్ర వేశారు. క్రీడా ప్రపంచంలో ఈ ఇద్దరు ఐకాన్స్ పంచుకున్న అనుబంధం లక్షలాది మధుర స్మృతులను మిగిల్చింది. పచ్చని మైదానం మధ్యలో అభిమానుల కరతాళ ధ్వనుల నడుమ ఘనంగా సాగనంపాల్సిన ఆటగాళ్లు.. సాదాసీదాగా ఓ చిన్న మెసేజ్తో తమ శకాన్ని ముగించడం వారి నిరాడంబరతకు పరాకాష్ట.
మరిన్ని క్రీడా వార్తల కోసం ఇక్కడ క్లిక్ చేయండి..