రోజంతా కష్టపడి రాత్రి పడుకునే ముందు మన బెడ్షీట్ తాజాగా, మంచి సువాసనతో ఉంటేనే గాఢమైన నిద్ర పడుతుంది. కానీ, తరచూ రాత్రివేళ పట్టే చెమట, బాడీ ఆయిల్స్ బెడ్షీట్ దారాల్లోకి ఇంకిపోవడం వల్ల డిటర్జెంట్తో ఉతికినా కూడా ఒక రకమైన చెమట వాసన, ముక్క వాసన మిగిలిపోతుంది. అంతేకాకుండా బట్టలు ఉతికే పౌడర్లు, ఫ్యాబ్రిక్ సాఫ్ట్నర్లు బట్టలపై ఒక పొరలా పేరుకుపోయి బెడ్షీట్ను గట్టిగా తయారుచేస్తాయి. ఈ సమస్యకు ఖరీదైన కెమికల్స్ కాకుండా మన ఇంట్లో లభించే వైట్ వినెగర్ చాలా బాగా పనిచేస్తుంది.
వైట్ వినెగర్ ఎలా పనిచేస్తుంది?:
సాధారణ వైట్ వినెగర్లో స్వల్ప ఆమ్లత ఉంటుంది. ఇది గుడ్డ దారాల్లో పేరుకుపోయిన చెమట, శరీర నూనెలు, డిటర్జెంట్ మిగులును కరిగించి వేస్తుంది. ఇది బ్యాక్టీరియాను నివారించి బట్టలలోని దుర్వాసనను పారదోలి, ఫ్యాబ్రిక్ను మెత్తగా మార్చుతుంది.
బెడ్షీట్లు ఉతికేటప్పుడు వినెగర్ ఎలా ఉపయోగించాలి?
లాండ్రీ వాషింగ్ ప్రాసెస్: ముందుగా బెడ్షీట్ను వాషింగ్ మెషిన్లో వేసి సాధారణ డిటర్జెంట్తో ఉతకాలి.
ఇవి కూడా చదవండి
చివరిసారిగా నీళ్లలో ఉతికేటప్పుడు: వాషింగ్ మెషిన్లోని ఫ్యాబ్రిక్ సాఫ్ట్నర్ కంపార్ట్మెంట్లో అర కప్పు వైట్ వినెగర్ వేయాలి. ఇలా చేయడం వల్ల చివరి రిన్స్ సైకిల్లో వినెగర్ నీటితో కలసి బెడ్షీట్ దుర్వాసనను తొలగిస్తుంది.
చేతితో ఉతికేవారు: ఒక బకెట్ నీటిలో అర కప్పు వైట్ వినెగర్ కలిపి, ఉతికిన బెడ్షీట్ను అందులో 10 నిమిషాలు ఉంచి ఆపై పిండి ఆరబెట్టాలి.
ముఖ్యమైన గమనిక: ఎల్లప్పుడూ కేవలం డిస్టిల్డ్ వైట్ వినెగర్నే వాడాలి. ఆపిల్ సైడర్ లేదా కలర్ వినెగర్లు వాడితే దుప్పట్లపై మచ్చలు పడే ప్రమాదం ఉంది.
ఎన్ని రోజులకు ఒకసారి వాడాలి?:
ప్రతిసారి ఉతికేటప్పుడు వినెగర్ వాడాల్సిన అవసరం లేదు. నెలకు ఒకసారి లేదా రెండుసార్లు బెడ్షీట్ల దుర్వాసన ఎక్కువైనప్పుడు వాడితే సరిపోతుంది. అతిగా వాడితే బట్టల రంగు, మెషిన్ రబ్బర్ విడిభాగాలపై ప్రభావం పడవచ్చు.
ఎండలో ఆరబెట్టడం తప్పనిసరి:
ఉతికిన తర్వాత బెడ్షీట్లను మెషిన్లోనే గంటల తరబడి ఉంచకూడదు. దానివల్ల మళ్లీ తేమ వల్ల ముక్క వాసన వస్తుంది. ఉతికిన వెంటనే తీసి ఎండలో ఆరబెట్టాలి. బాగా ఎండిన తర్వాతే మడిచి పెట్టుకోవాలి.
మరిన్ని లైఫ్ స్టైల్ న్యూస్ కోసం క్లిక్ చేయండి..