హైదరాబాద్లో గంజాయి స్మగ్లింగ్కు పాల్పడుతున్న ముఠాను ఈగల్ ఫోర్స్, పేట్ బషీరాబాద్ పోలీసులు సంయుక్తంగా పట్టుకున్నారు. నిందితులు పోలీసులకు దొరకకుండా గంజాయిని తరలించేందుకు పక్కా ఫ్లాన్ చేశారు. ఎవరూ ఊహించని విధంగా ఆటోలోని స్పీకర్ బాక్స్ను వినియోగించడం కలకలం రేపింది. ఈ కేసులో ఐదుగురిని అరెస్ట్ చేసిన పోలీసులు.. వారి నుంచి 6 కిలోల గంజాయిని స్వాధీనం చేసుకున్నారు.
పోలీసులు తెలిపిన వివరాల ప్రకారం.. హైదరాబాద్కు చెందిన నిందితులు గంజాయి కొనుగోలు చేసేందుకు నాగ్పూర్కు వెళ్లారు. అక్కడ షేక్ సాదిక్ అనే వ్యక్తి నుంచి సుమారు రూ.లక్షకు 6 కిలోల గంజాయిని కొనుగోలు చేసినట్లు దర్యాప్తులో వెల్లడైంది. అనంతరం గంజాయిని ఆటోలోని స్పీకర్ బాక్స్లో దాచి హైదరాబాద్కు తరలించేందుకు ప్రయత్నించారు.
సాధారణంగా ఆటోలో ఉండే స్పీకర్ బాక్స్ను ఎవరూ అనుమానించరనే ఉద్దేశంతో దానిని గంజాయి రవాణాకు ఉపయోగించినట్లు పోలీసులు గుర్తించారు. అయితే పక్కా సమాచారంతో రంగంలోకి దిగిన ఈగల్ ఫోర్స్, పేట్ బషీరాబాద్ పోలీసులు నిందితుల కదలికలపై నిఘా పెట్టి ఆపరేషన్ నిర్వహించారు. తనిఖీల్లో స్పీకర్ బాక్స్లో దాచిన గంజాయి బయటపడటంతో నిందితులను అదుపులోకి తీసుకున్నారు.
నిందితుల్లో హమీద్పై గతంలోనూ గంజాయి కేసు ఉన్నట్లు పోలీసులు తెలిపారు. 2024లో బంజారాహిల్స్ పోలీస్ స్టేషన్ పరిధిలో అతడిపై కేసు నమోదైనట్లు వెల్లడించారు. తాజాగా గంజాయిని కొనుగోలు చేసేందుకు హమీద్ రూ.లక్ష నగదు చెల్లించినట్లు దర్యాప్తులో గుర్తించారు. గతంలో సుమారు 2 కిలోల గంజాయిని విక్రయించి భారీగా లాభాలు ఆర్జించినట్లు కూడా పోలీసులు తెలిపారు.
ఈ కేసులో గంజాయి సరఫరా, విక్రయాల వెనుక ఉన్న మరికొందరి పాత్రపై పోలీసులు దర్యాప్తు చేస్తున్నారు. నిందితులు ఉపయోగించిన ఆటోను స్వాధీనం చేసుకున్నారు. గంజాయి ఎక్కడి నుంచి తీసుకొచ్చారు, ఎవరికి సరఫరా చేయాల్సి ఉంది, ఈ నెట్వర్క్లో ఇంకా ఎంతమంది ఉన్నారనే అంశాలపై విచారణ కొనసాగుతోంది.
వీడియో ఇక్కడ చూడండి..
మరిన్ని క్రైమ్ వార్తల కోసం ఇక్కడ క్లిక్ చేయండి..