“జబర్దస్త్” కామెడీ షో ద్వారా తెలుగు ప్రేక్షకుల మన్ననలు పొందిన అప్పారావు, ఇటీవల ఇచ్చిన ఒక ఇంటర్వ్యూలో తన వ్యక్తిగత ఆర్థిక పరిస్థితి, ఈవెంట్ పరిశ్రమలో ఎదురవుతున్న పోటీ, “జబర్దస్త్” షోలో వస్తున్న మార్పులపై ఆవేదన వ్యక్తం చేశారు. ఈవెంట్ల కోసం జబర్దస్త్ ఆర్టిస్ట్లు తక్కువ ధరకు వెళ్ళిపోవడం వల్ల ప్రైజ్లు తగ్గిపోతున్నాయని అప్పారావు అంగీకరించారు. కొందరు సెలబ్రిటీ గెస్ట్లు ఒక్కరికే ₹2.5 లక్షలు (ప్లస్ ప్రయాణం, బస) తీసుకుంటుంటే, నలుగురు సభ్యులున్న ఒక జబర్దస్త్ బృందం మొత్తం రవాణాతో సహా రూ.2 లక్షలకు వెళ్తున్నారని ఆయన పోల్చి చెప్పారు. ఇంకా కొందరు రూ.1 లక్ష, రూ.50 వేలు, కొందరు మాత్రం 10 వేలకు కూడా ఈవెంట్లు చేస్తున్నారని వెల్లడించారు. తన బృందం ముగ్గురికి రవాణాతో సహా రూ.60,000 అడుగుతుందని, ఇందులో రూ.5 వేలు రవాణాకే పోతుందని తెలిపారు. ఉదాహరణకు, వైజాగ్ వెళ్ళాలంటే వందే భారత్ టికెట్లు, స్థానిక రవాణా కలిపి రూ.5 వేలు అవుతుందని వివరించారు. ఈ మొత్తానికి తగ్గించమని అడిగినా, కొన్నిసార్లు అటు ఇటుగా రూ.5 వేలు తగ్గించి ఒప్పుకోవాల్సి వస్తుందని, లేకపోతే అంతకన్నా తక్కువకు వెళ్ళడానికి సిద్ధంగా ఉన్నవారు ఉంటారని ఆయన వాపోయారు.
ఎక్కువ మంది చదివినవి : Cinema : 3 సీజన్స్.. 33 ఎపిసోడ్స్.. 6 సంవత్సరాలుగా ఓటీటీని శాసిస్తున్న సిరీస్.. ఇప్పటికీ తెగ డిమాండ్..
నెలవారీ ఆదాయ లక్ష్యం సుమారు రూ.3 లక్షలు అయినప్పటికీ, కొన్నిసార్లు అది కూడా దొరకదని అప్పారావు తెలిపారు. ఈ మార్చి నెలలో కేవలం కొన్ని రోజులు మాత్రమే పని దొరికిందని, మిగతా రోజులు ఖాళీగా ఇంట్లోనే కూర్చున్నానని చెప్పారు. 59 ఏళ్ళ వయసులో కూడా తాను ఇంకా “సెటిల్” కాలేదని స్పష్టం చేశారు. “సెటిల్” అంటే ఎటువంటి పని చేయకుండా, బ్యాంకులో ఉన్న డబ్బు నుండి వచ్చే వడ్డీతో జీవించడం అని ఆయన నిర్వచించారు. హైదరాబాద్లో ప్రస్తుత అపార్ట్మెంట్కు, వైజాగ్ లో ఇంతకు ముందు కొన్న అపార్ట్మెంట్కు ఈఎంఐలు కట్టాలని, కుమారుడి కారుకు ఈఎంఐ, ఎల్ఐసీ, హెల్త్ ఇన్సూరెన్స్లు, తినడానికి, మెయింటెనెన్స్ ఖర్చులు వంటి అనేక ఆర్థిక బాధ్యతలు తనపై ఉన్నాయని వివరించారు. ఈఎంఐలతో బయటపడటమే తన నెలవారీ లక్ష్యం అని పేర్కొన్నారు.
ఎక్కువ మంది చదివినవి : Bigg Boss : నన్ను వాడుకుని వదిలేశాడు.. టార్చర్ చేశాడు.. అందుకే చచ్చిపోవాలనుకున్నా.. బిగ్ బాస్ బ్యూటీ..
తన మొదటి సినిమా “చందమామ” కాదని, 2000 సంవత్సరంలో “విశాఖ్ రేణు మూవీస్” బ్యానర్పై వచ్చిన “శుభవేళ” అని అప్పారావు స్పష్టం చేశారు. రామోజీరావు నిర్మాతగా, తేజ డైరెక్టర్ ఆఫ్ ఫోటోగ్రఫీగా, బీవీ రమణ డైరెక్టర్ గా, డాక్టర్ రవికాంత్ (ప్రస్తుతం రవిప్రకాష్), ఒరిస్సా అమ్మాయి అనసూయ హీరోయిన్గా నటించిన చిత్రం అది అని వివరించారు. తన కెరీర్ లో ఎప్పుడూ బ్రేక్లు వచ్చాయని, స్థిరమైన అవకాశాలు లేవని ఆయన తెలిపారు.
ఎక్కువ మంది చదివినవి : Jabardasth : రామోజీ ఫిల్మ్ సిటీలో హోటల్ ఇండస్ట్రీలో నాతో పనిచేశాడు.. ఇప్పుడు క్రేజీ హీరో.. జబర్దస్త్ నటుడు..
ఎక్కువ మంది చదివినవి : Tollywood: అప్పుడు వైజాగ్ కలెక్టర్.. ఇప్పుడు సినిమాల్లో పెద్ద నటుడు.. గవర్నమెంట్ ఉద్యోగం వదిలి సినిమాల్లోకి ఎందుకు వచ్చారంటే..