తెలుగు బుల్లితెరపై అత్యంత ప్రజాదరణ పొందిన రియాలిటీ షో ‘బిగ్బాస్ తెలుగు’ 10వ సీజన్కు సర్వం సిద్ధమైంది. గత తొమ్మిది సీజన్లుగా ప్రేక్షకులను విశేషంగా అలరిస్తూ వస్తున్న ఈ షో, ఇప్పుడు పదవ సీజన్తో కొత్త అనుభూతిని పంచేందుకు సిద్ధమవుతోంది. మొదటి సీజన్కు యంగ్ టైగర్ ఎన్టీఆర్, రెండో సీజన్కు నాచురల్ స్టార్ నాని వ్యాఖ్యాతలుగా వ్యవహరించగా, మూడో సీజన్ నుండి కింగ్ అక్కినేని నాగార్జున తనదైన శైలిలో షోను విజయవంతంగా నడిపిస్తున్నారు. ఈ 10వ సీజన్కు కూడా నాగార్జునే హోస్ట్గా వ్యవహరిస్తున్నారు. ఈసారి 10వ సీజన్ కావడంతో నిర్వాహకులు దీనిని ‘దశావతారం’ కాన్సెప్ట్తో డిజైన్ చేశారు. ప్రచారంలో ఉన్న వివరాల ప్రకారం, ప్రారంభంలో కేవలం 10 మంది కంటెస్టెంట్లు మాత్రమే ఇంట్లోకి అడుగుపెడతారు. ఆ తర్వాత షో ముందుకు సాగే కొద్దీ మిడ్-వీక్ ఎంట్రీలు, వైల్డ్ కార్డ్ ఎంట్రీల ద్వారా మరికొంతమంది సెలబ్రిటీలను పంపించి షోలో మరింత వినోదాన్ని నింపేలా ప్లాన్ చేస్తున్నారు.
ఎక్కువమంది చదివినవి : Tollywood: కొత్తింట్లోకి అడుగుపెట్టిన టాలీవుడ్ హీరోయిన్.. ఫ్యామిలీతో కలిసి గృహ ప్రవేశం.. ఫోటోస్ వైరల్..
అంతేకాకుండా, ఈ సీజన్ కోసం ‘కామన్ మ్యాన్’ కేటగిరీ కింద సాధారణ ప్రజల నుంచి కూడా కంటెస్టెంట్లను ఎంపిక చేస్తున్నారు. ఇందుకోసం ప్రత్యేకంగా నిర్వహించిన టాలెంట్ హంట్ రౌండ్స్ ఇప్పటికే ఫైనల్కు చేరుకున్నాయి. ఈ ఆడిషన్స్ ద్వారా ఇద్దరు లేదా ముగ్గురు సాధారణ వ్యక్తులు బిగ్బాస్ హౌస్లోకి అడుగుపెట్టే అవకాశం ఉంది. ఈ సీజన్లో పాల్గొనబోయే సెలబ్రిటీల గురించి సోషల్ మీడియాలోనూ, మీడియా వర్గాల్లోనూ పెద్ద ఎత్తున ప్రచారం జరుగుతోంది.
ఎక్కువమంది చదివినవి : Nagarjuna : ఆయన తినే రైస్ మనం తినలేము.. నాగార్జున డైట్ రివీల్ చేసిన మేకప్ ఆర్టిస్టు..
జబర్దస్త్ ఫేమ్ రాంప్రసాద్, నరేష్, కమెడియన్ కృష్ణుడు, నటుడు అదిత్ అరుణ్, ‘టెంపర్’ వంశీ, ప్రముఖ నటి/యాంకర్ వర్షిణి సౌందరరాజన్, ముకేష్ గౌడ, దేబ్జానీ మోదక్, చైత్రా రాయ్, యూట్యూబర్ సుధీర్ రెడ్డి పేర్లు ప్రముఖంగా వినిపిస్తున్నాయి. బుల్లితెర ప్రేక్షకులను ఆకట్టుకోవడానికి ఈ టాప్ రియాలిటీ షో సెప్టెంబర్ మొదటి వారంలో గ్రాండ్గా ప్రారంభం కాబోతోంది. సెప్టెంబర్ 6వ తేదీ సాయంత్రం 7 గంటలకు గ్రాండ్ ఓపెనింగ్ వేడుకతో బిగ్బాస్ 10వ సీజన్ ప్రారంభం కానుంది. నాగార్జున గ్రాండ్ ఎంట్రీ కంటెస్టెంట్ల పరిచయ కార్యక్రమాలతో హౌస్ సందడిగా మారనుంది. ఈసారి ‘దశావతారం’ థీమ్తో ఏ స్థాయిలో ఆకట్టుకుంటుందో వేచి చూడాలి.
ఎక్కువమంది చదివినవి : Cinema : దేశాన్ని కుదిపేసిన నిజమైన సంఘటనతో తీసిన సినిమా.. ఓటీటీలో భయం పుట్టించింది.. ట్రెండింగ్లో నంబర్ వన్..
డెబ్జానీ మోదక్..
చైత్రరాయ్..
ఎక్కువమంది చదివినవి : Soundarya: సౌందర్య ఫస్ట్ సినిమా హీరో ఇప్పుడేం చేస్తున్నాడో తెలుసా.. ? 13 ఏళ్లకే స్టార్ డమ్.. ఇప్పుడు ఇలా..