Bank Savings Account: చాలా మంది వ్యక్తులు తమ సేవింగ్స్ ఖాతాలలో భారీ మొత్తంలో డిపాజిట్లు చేస్తుంటారు. అయితే వాటిపై లభించే వడ్డీ రేట్లు సాధారణంగా 2.5% నుండి 3% వరకు మాత్రమే ఉంటాయి. నిష్క్రియంగా ఉన్న ఈ నిధులపై అధిక రాబడిని పొందడానికి ఆటో స్వీప్ ఫిక్స్డ్ డిపాజిట్ (FD) ఒక అద్భుతమైన అవకాశం. ఈ విధానం మీ పొదుపు ఖాతాలోని డబ్బును సమర్థవంతంగా నిర్వహించడమే కాకుండా, 6% నుండి 8% వరకు ఆకర్షణీయమైన వడ్డీని అందిస్తుంది.
ఆటో స్వీప్ FD అంటే ఏమిటి?
ఆటో స్వీప్ FD అనేది ఒక ప్రత్యేక బ్యాంకింగ్ సౌకర్యం. దీని ద్వారా మీ సేవింగ్స్ ఖాతాలోని డబ్బులను ఒక నిర్దిష్ట పరిమితి (థ్రెషోల్డ్) దాటినప్పుడు ఆ అదనపు మొత్తం ఆటోమేటిక్గా ఫిక్స్డ్ డిపాజిట్గా మారుతుంది. ఇది మీ డబ్బును సేవింగ్స్ ఖాతాలో ఉంచినట్లయితే వచ్చే తక్కువ వడ్డీకి బదులుగా, FD లపై లభించే అధిక వడ్డీని పొందేందుకు వీలు కల్పిస్తుంది. అయితే మీ డబ్బు మీకు అవసరమైనప్పుడు సులభంగా అందుబాటులో ఉంటుంది.
ఇది ఎలా పనిచేస్తుంది?
ప్రతి బ్యాంకుకు ఆటో స్వీప్ ఎఫ్డీ కోసం ఒక నిర్దిష్ట థ్రెషోల్డ్ లిమిట్ ఉంటుంది. ఉదాహరణకు ఒక బ్యాంకు థ్రెషోల్డ్ లిమిట్ను రూ.25,000గా నిర్ణయించిందని అనుకుందాం. మీ సేవింగ్స్ ఖాతాలో రూ.25,000 వరకు ఉన్న మొత్తానికి సాధారణ సేవింగ్స్ ఖాతా వడ్డీ రేటు (సుమారు 2.5%) వర్తిస్తుంది. అయితే, మీ ఖాతాలో రూ.25,000కు మించి ఎంత డబ్బు ఉన్నా, ఆ అదనపు మొత్తం ఆటోమేటిక్గా ఫిక్స్డ్ డిపాజిట్గా మారుతుంది. ఈ ఎఫ్డీపై 6% నుండి 8% వరకు అధిక వడ్డీ లభిస్తుంది. ఇది ఎఫ్డీ టెన్యూర్ పై ఆధారపడి ఉంటుంది.
ఇవి కూడా చదవండి
ఇది కూడా చదవండి: LIC Best Scheme: రోజుకు కేవలం రూ.24తో రూ. 50 లక్షల బీమా.. అదిరిపోయే స్కీమ్!
ఉదాహరణకు, మీరు మీ సేవింగ్స్ ఖాతాలో రూ.1,00,000 మెయింటైన్ చేస్తుంటే, మొదటి రూ.25,000కు 2.5% వడ్డీ వస్తుంది. మిగిలిన రూ.75,000 ఆటోమేటిక్గా ఎఫ్డీగా మారి, దానిపై 6% నుండి 8% వడ్డీ లభిస్తుంది.
డబ్బును ఉపసంహరించుకోవడం ఎలా?
ఆటో స్వీప్ FD ముఖ్య ప్రయోజనాల్లో ఒకటి. మీ డబ్బు ఎఫ్డిలో ఉన్నప్పటికీ, అది సులభంగా అందుబాటులో ఉండటం. సాధారణ ఎఫ్డీల మాదిరిగా కాకుండా, ఆటో స్వీప్ ఎఫ్డీలలో డబ్బును ఉపసంహరించుకున్నప్పుడు ఎలాంటి పెనాల్టీలు ఉండవు.
మీరు మీ సేవింగ్స్ ఖాతా నుండి డబ్బును తీసినప్పుడు లేదా ఖర్చు చేసినప్పుడు, మొదట మీ సేవింగ్స్ ఖాతాలో ఉన్న బ్యాలెన్స్ నుండి డబ్బు కట్ అవుతుంది. ఒకవేళ ఆ మొత్తం సరిపోకపోతే ఆటోమేటిక్గా ఎఫ్డిలోని కొంత భాగం లేదా మొత్తం స్వీప్-బ్యాక్ మీ సేవింగ్స్ ఖాతాలోకి వస్తుంది. ఆ విధంగా మీరు చేసిన ఖర్చుకు ఎఫ్డీ నుండి డబ్బు సర్దుబాటు అవుతుంది. ఎఫ్డీలో ఉన్న భాగంపై అది ఉండిన రోజులు, టెన్యూర్ ప్రకారం వడ్డీని మీరు పొందుతారు. మిగిలిన ఎఫ్డీ మొత్తం దాని వడ్డీని సంపాదిస్తూనే ఉంటుంది. తిరిగి మీ ఖాతాలో డబ్బు జమ చేసినప్పుడు, మీ సేవింగ్స్ ఖాతాలో రూ.25,000 థ్రెషోల్డ్ చేరుకున్న తర్వాత, మిగులు మొత్తం తిరిగి ఆటోమేటిక్గా FD గా స్వీప్-ఇన్ అవుతుంది.
ఇది కూడా చదవండి: Solar Panel Fridge: మీ ఫ్రిజ్ను నడపడానికి ఎన్ని సోలార్ ప్యానెళ్లు అవసరం? ఎంత విద్యుత్ వినియోగం..!
మరిన్ని బిజినెస్ వార్తల కోసం ఇక్కడ క్లిక్ చేయండి