ది ప్యారడైజ్ చిత్ర దర్శకుడు శ్రీకాంత్ ఓదెల ఇటీవల జరిగిన ప్రెస్ మీట్లో తన సినిమా ఏషనాగుల పాటపై వచ్చిన విమర్శలు, సోషల్ మీడియాలో ట్రోల్స్కు ఘాటుగా స్పందించారు. నటుడు నాని కూడా ఈ ప్రెస్ మీట్లో పాల్గొన్నారు. శ్రీకాంత్ తన దర్శకత్వ శైలి, ట్రైలర్ల పట్ల తనకున్న అభిప్రాయాలపై కూలంకషంగా వివరించారు. ఏషనాగుల పాట కొరియోగ్రఫీ గురించి మాట్లాడుతూ, కొన్ని స్టెప్పులకు నెగటివ్ ఫీడ్బ్యాక్ వచ్చిందని, పాట లీక్ అవ్వడం కూడా ఒక కారణమని ఒప్పుకున్నారు. అయితే, తాను ముందే దీనికి సిద్ధమయ్యానని, ఒక బ్యాక్లాష్ వస్తుందని ఊహించానని చెప్పారు. ఈ పాటలోని డ్యాన్స్ ఉద్దేశపూర్వకంగానే సరళంగా ఉండేలా డిజైన్ చేయబడిందని శ్రీకాంత్ ఓదెల వెల్లడించారు. “అవును ఆ సాంగ్ స్టెప్స్ కి నెగిటివ్ వచ్చింది. కానీ అది నా నిర్ణయమే. డాన్స్ స్లోగా ఉండాలి, ఎగరొద్దు ఇష్టమైనట్టు. మొత్తం స్టేజ్ బద్దలయ్యేలా కాకుండా, నార్మల్గా సింపుల్గా మనం పెళ్లిల్లో భారత్ ఎగురుతూ ఉంటాం కదా తాగేసి, అంత సింపుల్గా కూల్గా ఉండాలి అనేదే ఇంటెన్షన్” అని ఆయన తన ఆలోచన వెనుక ఉన్న కారణాన్ని వివరించారు. మొదట్లో కొందరు విమర్శించినా, తర్వాత అందరూ ఇష్టపడతారని తాను నమ్మినట్లు తెలిపారు.
ఎక్కువమంది చదివినవి : ఇండస్ట్రీని ఏలిన హీరోయిన్.. చివరకు చనిపోయినప్పుడు బాడీకి తల లేదు.. ప్రేమ కన్నీళ్లు..
సినిమా ట్రైలర్ గురించి వచ్చిన ప్రశ్నలకు శ్రీకాంత్ ఓదెల ఆసక్తికరమైన సమాధానం ఇచ్చారు. నాని సైతం హెప్టిక్ వర్క్ షెడ్యూల్ గురించి ప్రస్తావించిన నేపథ్యంలో, ట్రైలర్ లేకపోవడంపై వివరణ కోరగా, “నాకు పర్సనల్గా మాత్రం డెఫినిట్గా ఈ సినిమాకి ట్రైలర్ అవసరం లేదనేది నాకు చాలా స్ట్రాంగ్ ఫీలింగ్,” అని బదులిచ్చారు. కొన్ని సినిమాలు ట్రైలర్ లేకుండా చూసినప్పుడే ప్రేక్షకులకు మరింత ఎక్కువ కనెక్ట్ అవుతాయని, అదనపు సర్ప్రైజ్ను అందిస్తాయని ఆయన అభిప్రాయపడ్డారు. ఈ వినూత్న వ్యూహంతో ది ప్యారడైజ్ చిత్రాన్ని ప్రేక్షకులకు ఒక ప్రత్యేక అనుభూతిని అందించాలని శ్రీకాంత్ ఓదెల లక్ష్యంగా పెట్టుకున్నారు.
ఎక్కువమంది చదివినవి : Allari Naresh: అతడు ఒక కంప్లీట్ యాక్టర్.. డైలాగ్స్, ఫైట్స్ అన్నీ అద్భుతంగా చేస్తాడు.. అల్లరి నరేష్.
గతంలో దసరా చిత్రంతో భారీ విజయం సాధించిన శ్రీకాంత్, ముఖ్యంగా దాని క్లైమాక్స్ సన్నివేశాలతో ప్రేక్షకుల ప్రశంసలు పొందారు. ఈ కొత్త చిత్రంలో కూడా అదే స్థాయిలో హై పాయింట్లు ఉంటాయని, ప్రేక్షకులు సంతృప్తి చెందుతారని ఆయన హామీ ఇచ్చారు. నానితో శ్రీకాంత్ ఓదెల కాంబినేషన్ దసరా తర్వాత మరోసారి ప్రేక్షకులను అలరించడానికి సిద్ధంగా ఉంది.
ఎక్కువమంది చదివినవి : Tollywood : ఏడాదిలో 80 సినిమాలు చేసిన మ్యూజిక్ డైరెక్టర్.. ఒక్కో సాంగ్ ఇప్పటికీ ట్రెండింగ్..
ఎక్కువమంది చదివినవి : Brahmaji : అన్నం పెట్టిన ఋణం తీర్చుకోవడానికి ఆ డైరెక్టర్ నాతో పెద్ద సినిమా తీశాడు.. నటుడు బ్రహ్మాజీ..