SBI e-KYC Update: ఎస్బీఐ ఖాతాదారులు తమ KYC (Know Your Customer) వివరాలను ఎప్పటికప్పుడు అప్డేట్ చేసుకోవడం అవసరం. ప్రస్తుతం ఉన్న ఖాతాకు Re-KYC అవసరమైతే, బ్యాంక్ బ్రాంచ్కు వెళ్లకుండానే అధికారిక ఆన్లైన్ మార్గాల్లో ప్రక్రియను పూర్తి చేసే అవకాశం ఉంటుంది. అయితే కేవైసీ పేరుతో వచ్చే నకిలీ SMSలు, వాట్సాప్ మెసేజ్ల విషయంలో ఖాతాదారులు అప్రమత్తంగా ఉండాలి. తెలియని లింకులపై క్లిక్ చేయకుండా స్వయంగా ఎస్బీఐ అధికారిక యాప్ లేదా వెబ్సైట్ను మాత్రమే ఉపయోగించడం సురక్షితమని ఎస్బీఐ సూచిస్తోంది.
YONO SBI ద్వారా Re-KYC ఎలా చేసుకోవాలి?
ఎస్బీఐ అధికారిక సూచనల ప్రకారం YONO SBI యాప్ ద్వారా కేవైసీ అప్డేట్ చేసుకోవడానికి ఈ విధానాన్ని అనుసరించవచ్చు.
- 1YONO SBI యాప్ ఓపెన్ చేయండి: మీ మొబైల్లో అధికారిక యోనో ఎస్బీఐ యాప్ను ఓపెన్ చేసి మీ MPIN లేదా అవసరమైన లాగిన్ వివరాలతో సైన్ ఇన్ చేయండి.
- Service Requestలోకి వెళ్లండి: లాగిన్ అయిన తర్వాత Service Request ఆప్షన్ను ఎంచుకోండి.
- KYC / Update KYC ఎంచుకోండి: అందుబాటులో ఉన్న ఆప్షన్లలో కేవైసీ అప్డేట్ కేవైసీ అనే ఆప్షన్ను ఎంచుకోండి.
- అవసరమైన వివరాలు ఇవ్వండి: అవసరమైతే మీ Internet Banking profile passwordను నమోదు చేసి, స్క్రీన్పై కనిపించే కేవైసీ వివరాలను పరిశీలించండి. మార్పులు ఉంటే వాటిని అప్డేట్ చేయాలి.
- అవసరమైన పత్రాలు సమర్పించండి: మీ కేవైసీలో ఏ వివరాలను మార్చుతున్నారనే దానిపై ఆధారపడి సంబంధిత పత్రాలను సమర్పించాల్సి రావచ్చు.
- OTPతో ధృవీకరించండి: వివరాలను పరిశీలించిన తర్వాత రిక్వెస్ట్ను సబ్మిట్ చేసి, రిజిస్టర్డ్ మొబైల్ నంబర్కు వచ్చే OTPతో వెరిఫికేషన్ పూర్తి చేయాలి.
- ఎస్బీఐ పరిశీలన తర్వాత కేవైసీ అప్డేట్: మీరు సమర్పించిన వివరాలను బ్యాంక్ పరిశీలించిన తర్వాత KYC రికార్డుల్లో అప్డేట్ చేస్తుంది.
ఇవి కూడా చదవండి
ఎస్బీఐ కేవైసీ అప్డేట్ పేజీ ద్వారా కూడా..
కొన్ని సందర్భాల్లో ఎస్బీఐ అధికారిక కేవైసీ అప్డేట్ సదుపాయం ద్వారా కూడా మీ వివరాలను గుర్తించి కేవైసీ ప్రక్రియను కొనసాగించవచ్చు. ఇందులో పుట్టిన తేదీ, పాన్, సీఐఎఫ్ నంబర్ లేదా అకౌంట్ నంబర్ వంటి వివరాలతో గుర్తింపు ప్రక్రియ ఉండవచ్చు.
ఇంటర్నెట్ బ్యాంకింగ్ ద్వారా..
ఎస్బీఐ ఇంటర్నెట్ బ్యాంకింగ్ను ఉపయోగించే రిటైల్ కస్టమర్లు అధికారిక ఇంటర్నెట్ బ్యాంకింగ్ పోర్టల్లోకి లాగిన్ అయి KYC లేదా KYC Updateకు సంబంధించిన ఆప్షన్ కోసం చూడవచ్చు. సాధారణంగా కేవైసీ కోసం అడిగే పత్రాలను సబ్మిట్ చేయాల్సి ఉంటుంది.:
KYC కోసం ఏ పత్రాలు అవసరం?
KYCలో ఏ వివరాలను అప్డేట్ చేస్తున్నారనే దానిపై పత్రాల అవసరం ఆధారపడి ఉంటుంది. పత్రాల్లో పాస్పోర్ట్, ఓటర్ ID, డ్రైవింగ్ లైసెన్స్ వంటి అధికారిక పత్రాలు ఉన్నాయి.
మోసాల విషయంలో జాగ్రత్త:
మీకు “Your SBI KYC will expire—click this link”, “KYC update immediately” వంటి మెసేజ్లు SMS లేదా WhatsApp ద్వారా వచ్చినా ఎట్టి పరిస్థితుల్లో స్పందించవద్దని ఎస్బీఐ హెచ్చరిస్తోంది. అలాగే తెలియని లింక్పై క్లిక్ చేయవద్దు. ఆ లింక్ ద్వారా మీ SBI లాగిన్ వివరాలు, OTP, కార్డు వివరాలు లేదా ఇతర బ్యాంకింగ్ సమాచారం దొంగిలించే అవకాశం ఉంటుంది.
KYC అప్డేట్ చేయాల్సి ఉంటే:
- YONO SBI యాప్ను మీరే ఓపెన్ చేయండి.
- SBI అధికారిక వెబ్సైట్ను స్వయంగా యాక్సెస్ చేయండి.
- SMS/WhatsAppలో వచ్చిన అనుమానాస్పద లింకులను ఉపయోగించవద్దు.
- OTP, PIN, Internet Banking password వంటి రహస్య వివరాలను ఎవరికీ చెప్పవద్దు.
ఇది కూడా చదవండి: LIC Best Scheme: రోజుకు కేవలం రూ.24తో రూ. 50 లక్షల బీమా.. అదిరిపోయే స్కీమ్!
ఇది కూడా చదవండి: School Holiday: 11న స్కూళ్లు, ప్రభుత్వ కార్యాలయాలకు సెలవు.. ఆ ప్రభుత్వం కీలక నిర్ణయం.. కారణం ఇదే!
మరిన్ని బిజినెస్ వార్తల కోసం ఇక్కడ క్లిక్ చేయండి