అందరూ ఎంతో ఉత్కంఠతతో ఎదురు చూస్తోన్న బిగ్బాస్ 10 తెలుగుకి కౌంట్ డౌన్ అధికారికంగా ప్రారంభమైంది. అందులో భాగంగా బిగ్బాస్ ‘అగ్ని పరీక్ష’ ఆగస్ట్ 15, 2026 నుంచి ప్రీమియర్ కానున్నట్లు బిగ్బాస్ 9 తెలుగు విజేత కళ్యాణ్ పడాల అనౌన్స్ చేశారు. ఈ బిగ్బాస్ షో ప్రయాణానికి ముందుమాటగా ఈ ప్రత్యేక కార్యక్రమం..కలలు..పట్టుదల.. మార్పు అనే భావాలతో ఒక మరపురాని సంబరంగా నిలవనుంది. దీనికి సంబంధించి జియోహాట్స్టార్ ఒక స్ఫూర్తిదాయకమైన లాంచ్ వీడియో విడుదల చేసింది. ఇందులో కళ్యాణ్ పడాల సాధారణ వ్యక్తిగా అసాధారణ కలలతో తన ప్రయాణాన్ని ప్రారంభించి, బిగ్ బాస్ విజేతగా ఎదిగిన తీరుని ఆవిష్కరించారు. ఈ భావోద్వేగభరితమైన వీడియో ధైర్యం, పట్టుదల, కృషి ఉంటే ప్రతి కల కూడా నిజం అవుతుందనే నమ్మకాన్ని, అలాగే సహనశక్తి, నిరంతర ప్రయత్నాన్ని తెలియజేస్తోంది.
ఇది కూడా చదివేసేయండి : అల్లు అర్జున్, పవన్ కళ్యాణ్లాంటి స్టార్ హీరోలతో సినిమాలు.. కానీ ఒక్క హిట్ కూడా లేదు.. ఇప్పుడు ఇలా
ఇప్పటికే జియో హాట్ స్టార్ విడుదలైన తర్వాత “కళ్యాణ్ పడాలా ప్రయాణం నన్ను ఇంకా పెద్దగా కలలు కనాలని, ఇంకా కష్టపడి పనిచేయాలని, ఎప్పుడూ వదిలిపెట్టకూడదని ప్రేరేపించింది” అని ఒక ప్రేక్షకుడు కామెంట్ చేశారంటే లాంచ్ వీడియో ఎంతగా ఇప్పటికే ప్రేక్షకుల హృదయాలను తాకిందో అర్థం చేసుకోవచ్చు. అందరి హృదయాలను తాకేలా వస్తోన్న ఈ రెస్పాన్స్, కళ్యాణ్ కథ దేశ వ్యాప్తంగా ఆశావహ పోటీదారులు మరియు అభిమానులపై చూపుతున్న ప్రభావాన్ని స్పష్టంగా తెలియజేస్తుంది. కళ్యాణ్ ప్రయాణం సజీవమైన ఆశకు ప్రతీకగా మారింది. సరైన అవకాశం లభిస్తే, సాధారణ వ్యక్తులు కూడా అసాధారణ విజయాలను సాధించగలరని ఇది నిరూపిస్తోంది.
ఇది కూడా చదివేసేయండి : సూపర్ స్టార్ కృష్ణ కాలర్ పట్టుకున్న హీరో.. కటౌట్లు తగలబెట్టి , థియేటర్లపై దాడి చేసిన అభిమానులు
ఇప్పటికే ‘అగ్ని పరీక్ష’కు సంబంధించిన ప్రీమియర్ తేదీ ఖరారవడంతో దీనిపై ఉత్సాహం గరిష్ట స్థాయికి చేరుకుంది. ఈ సీజన్లో ఎలాంటి సవాళ్లు, భావోద్వేగాలు, సర్ప్రైజెస్ ఉంటాయో చూడాలని అభిమానులు ఆతృతగా ఎదురుచూస్తున్నారు. ఇప్పుడు అందరి మనసుల్లో మెదులుతున్న ఒకే ప్రశ్న:
ఈ సీజన్లో అగ్నిపరీక్షను జయించి, బిగ్ బాస్ హౌస్లోకి ప్రవేశించే అవకాశం ఎవరు దక్కించుకుంటారు.? అత్యుత్తమ ప్రతిభను నిరూపించుకునే వేదికగా రూపుదిద్దుకున్న బిగ్ బాస్ ‘అగ్ని పరీక్ష’, ఆశావహ పోటీదారులకు తమ వ్యక్తిత్వం, పట్టుదల, సహనశక్తి, పోరాటస్ఫూర్తిని చూపించే అవకాశాన్ని అందిస్తుంది. ఐకానిక్ బిగ్ బాస్ హౌస్లోకి అడుగుపెట్టే ముందు, ప్రతి సవాల్ వారి స్వభావం, ధైర్యం మరియు ప్రతి అడ్డంకిని అధిగమించే సంకల్పానికి ఇది నిజమైన పరీక్షగా నిలుస్తుంది. ఆగస్టు 15 దగ్గరపడుతున్న కొద్ది బిగ్ బాస్ అభిమానుల్లో ఉత్కంఠ మరింత పెరుగుతోంది. తమ జీవితంలోనే అత్యంత కఠినమైన పరీక్షను ఎదుర్కొనే కొత్త తరపు కలల వీరులను చూడటానికి వారు ఆసక్తిగా ఎదురుచూస్తున్నారు. ఇప్పటికే ఒక ప్రేరణాత్మక ప్రయాణం కొత్త ప్రమాణాన్ని సెట్ చేసింది. ఇప్పుడు తదుపరి విజయగాథను రాయడానికి ముందుకు వచ్చే పోటీదారులపై అందరి దృష్టి నిలిచింది.
ఇవి కూడా చదవండి
ఇది కూడా చదివేసేయండి : ఆ విలన్ చెప్పే డైలాగ్స్, యాక్షన్ అంటే బాలయ్యకు అంత ఇష్టమా.. సెట్లో దగ్గరుండి మరీ చూసేవారట
మరిన్ని సినిమా వార్తల కోసం ఇక్కడ క్లిక్ చేయండి.