చంద్రుడికి-భూమికి మధ్య వియోగం పెరుగుతుందంటున్నారు శాస్త్రవేత్తలు. భూమికి, చంద్రుడికి మధ్య ఉన్న అనుబంధంలో రాబోయే కాలంలో తీవ్రమైన మార్పులు చోటుచేసుకోనున్నాయని వెల్లడించారు. చంద్రుడు ప్రతి ఏటా భూమి నుంచి దాదాపు 3.83 సెంటీమీటర్ల మేర దూరంగా జరుగుతున్నాడని పరిశోధనల్లో తేలింది. ఇది మనుషుల గోర్లు పెరిగే వేగంతో సమానమైనప్పటికీ, కోట్లాది సంవత్సరాల కాలవ్యవధిలో భూమిపై కాలమానం, వాతావరణం మరియు సముద్ర జీవవ్యవస్థపై గణనీయమైన ప్రభావం చూపే అవకాశం ఉందని హెచ్చరిస్తున్నారు. 1969-71 మధ్య అపోలో వ్యోమగాములు చంద్రుడిపై అమర్చిన ప్రత్యేక లేజర్ రిఫ్లెక్టర్ల సాయంతో గత ఐదు దశాబ్దాలుగా ఈ మార్పును శాస్త్రవేత్తలు అత్యంత కచ్చితత్వంతో గమనిస్తున్నారు. శాస్త్రవేత్తల ప్రకారం… భూభ్రమణం, చంద్రుడి గురుత్వాకర్షణ మరియు సముద్రపు అలల ప్రభావం వల్ల ఈ ప్రక్రియ జరుగుతోంది. భూమి తన అక్షంపై వేగంగా తిరగడం వల్ల చంద్రుడికి కొద్దికొద్దిగా అదనపు శక్తి చేరి, అది క్రమంగా ఎత్తైన కక్ష్యలోకి వెళ్లిపోతోంది. అదే సమయంలో భూభ్రమణ వేగం స్వల్పంగా తగ్గి, భూమిపై రోజు నిడివి క్రమంగా పెరుగుతోంది. ప్రస్తుతం ప్రతి శతాబ్దానికి 1 నుంచి 2 మిల్లీసెకన్ల సమయం పెరుగుతుండగా, దాదాపు 100 కోట్ల సంవత్సరాల క్రితం భూమిపై ఒక రోజు కేవలం 19 గంటలే ఉండేదని అంచనా వేశారు. చంద్రుడు దూరమవడం వల్ల భవిష్యత్తులో సంపూర్ణ సూర్యగ్రహణాలు పూర్తిగా అంతరించిపోనున్నాయి. మరో 60 కోట్ల సంవత్సరాల నాటికి చంద్రుడి పరిమాణం చిన్నగా కనిపించడం వల్ల అది సూర్యుడిని పూర్తిగా కప్పేయలేదు. అంతేకాకుండా గురుత్వాకర్షణ తగ్గడంతో సముద్ర అలల తీవ్రత తగ్గి, తీరప్రాంత జీవవ్యవస్థలు మరియు సముద్ర జీవుల పునరుత్పత్తి చక్రం దెబ్బతినే ప్రమాదముంది. అయితే ఈ మార్పులన్నీ కోట్ల సంవత్సరాల వ్యవధిలో జరిగేవి కాబట్టి ప్రస్తుతం మానవాళి ఆందోళన చెందాల్సిన అవసరం లేదని శాస్త్రవేత్తలు స్పష్టం చేస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
ఛీ.. అంత లగ్జరీ షిప్లో ప్రయాణిస్తూ.. ఏంటి తల్లీ ఈ పాడుపని!
ట్రెండ్ మారింది గురూ.. వర్క్ ఫ్రం హోమ్ కాదు..వర్క్ ఫ్రం ట్రాఫిక్!
ఇలా చేస్తే.. మీ పర్సుని ఎవరూ టచ్ కూడా చేయలేరు!
17 రోజుల మాతృవేదన.. ప్రపంచాన్ని కదిలించిన తల్లి తిమింగలం కథ!
డైనోసార్లను తుడిచిపెట్టిన గ్రహశకలం.. మిస్టరీ ఛేదించిన శాస్త్రవేత్తలు!