తులసి టీ ఆయుర్వేదంలో రోగనిరోధక శక్తిని పెంచే అద్భుతమైన మూలికా పానీయంగా ప్రాచుర్యం పొందింది. ఆంటియాక్సిడెంట్లు, యాంటీవైరల్ గుణాలు సమృద్ధిగా ఉన్న తులసి టీని ప్రతిరోజూ తాగడం వల్ల జలుబు, దగ్గు, గొంతు నొప్పి, శ్వాసకోశ ఇన్ఫెక్షన్ల నుంచి త్వరిత ఉపశమనం లభిస్తుంది. అయితే, రక్తహీనత లేదా షుగర్ మందులు వాడేవారు, గర్భిణీలు అధికంగా తీసుకోకుండా తగిన జాగ్రత్తలు పాటించాలి.
తులసి సహజసిద్ధమైన అడాప్టోజెన్గా పనిచేస్తుంది. ఇది శరీరంలో స్ట్రెస్ హార్మోన్ స్థాయిలను తగ్గించి, ఆందోళనను నివారించి మనస్సుకు ప్రశాంతతను ఇస్తుంది. ఇందులోని యాంటీఆక్సిడెంట్లు, విటమిన్ C మరియు జింక్ శరీరం ఇమ్యూనిటీని పెంచుతాయి. జలుబు, దగ్గు, జ్వరం, గొంతు ఇన్ఫెక్షన్ల నివారణకు ఇది అద్భుత ఔషధం.
తులసి టీ తాగడం వల్ల అజీర్తి, కడుపు ఉబ్బరం, గ్యాస్ సమస్యలు తగ్గుతాయి. ఇది పేగుల ఆరోగ్యాన్ని మెరుగుపరుస్తుంది. రక్తపోటును సమతాస్థితిలో ఉంచడం, చెడు కొలెస్ట్రాల్ను తగ్గించడంలో తోడ్పడుతుంది. అలాగే శరీరంలోని వ్యర్థాలను బయటకు పంపి చర్మానికి సహజమైన కాంతిని ఇస్తుంది.
తులసి టీ తయారీ విధానం: ఒక పాత్రలో ఒక కప్పు నీటిని తీసుకుని మరిగించండి. అందులో 7-8 శుభ్రమైన తులసి ఆకులు, కొద్దిగా దంచిన అల్లం, చిటికెడు మిరియాల పొడి వేయండి.
నీటిని 5 నుండి 7 నిమిషాల పాటు తక్కువ మంటపై మరిగించి, వడకట్టండి. కొద్దిగా చల్లారాక రుచి కోసం అర టీస్పూన్ తేనె లేదా నిమ్మరసం కలుపుకుని వేడిగా తాగవచ్చు.
తీసుకోవాల్సిన జాగ్రత్తలు: తులసి రక్తంలో గ్లూకోజ్ స్థాయిలను తగ్గిస్తుంది. కాబట్టి, డయాబెటిస్ మందులు వాడేవారు దీనిని పరిమితంగా తీసుకోవాలి. గర్భిణీలు, పాలు ఇచ్చే తల్లులు అధిక మోతాదులో తులసి టీ తాగకూడదు. రక్తం పలచబడే మందులు వాడేవారు నిపుణుల సలహా తీసుకున్న తర్వాతే దీనిని క్రమబద్ధీకరించుకోవాలి. ప్రతిరోజూ ఒక కప్పు తులసి టీని జీవితంలో భాగం చేసుకోవడం ద్వారా అనేక ఆరోగ్య సమస్యల నుండి ప్రకృతిసిద్ధంగా రక్షణ పొందవచ్చు.