ఇటీవల చర్మం, శరీరాకృతి పై అందరూ దృష్టి సారించారు. సోషల్ మీడియా ప్రపంచంలో సినీతారలకు సంబంధించిన డైట్, ఫిట్నెస్, స్కిన్ కేర్ విషయాలు నిత్యం చర్చకు వస్తుంటాయి. అయితే చర్మ సంరక్షణ అనేది కేవలం ఉదయం లేదా సాయంత్రం చేసే పనులకు మాత్రమే పరిమితం కాదు. ప్రతి ఒక్కరు తమ చర్మాన్ని కాపాడుకోవడానికి ఇంట్లో సీరమ్లు, మాయిశ్చరైజర్లు, మాస్క్లు , సన్స్క్రీన్ ఉపయోగిస్తారు. కానీ ఇవే కాదు.. సినీ తారలు విమాన ప్రయాణంలోనూ చర్మ సంరక్షణను తప్పకుండా పాటిస్తారు. ఇటీవల హీరోయిన్ త్రిష ఓ విమాన ప్రయాణంలో షేర్ చేసిన సెల్ఫీ నెట్టింట తెగ వైరలవుతుంది.
త్రిష కృష్ణన్ విమానంలో షీట్ మాస్క్తో ఉన్న తన సెల్ఫీని ఇన్స్టాగ్రామ్లో పంచుకున్నారు. దీంతో ఆ షీట్ మాస్క్ గురించి తెగ సెర్చ్ చేస్తున్నారు నెటిజన్స్. ప్రియాంక చోప్రా, ఇతర సెలబ్రిటీలు కూడా విమానంలో షీట్ మాస్క్తో తమ సెల్ఫీలను పోస్ట్ చేశారు. విమాన ప్రయాణాలలో షీట్ మాస్క్ ఉపయోగించాలా? అనే ప్రశ్కకు అకియా ఎస్థెటిక్స్ వ్యవస్థాపకురాలు , చీఫ్ డెర్మటాలజిస్ట్ అయిన డాక్టర్ రూపీకా సింగ్ స్పందిస్తూ.. విమాన ప్రయాణాలలో షీట్ మాస్క్లను ఉపయోగించడం సురక్షితమేనని అన్నారు. అంతేకాదు.. ముఖానికి పెట్టుకునే మాస్క్ రకంపై శ్రద్ధ వహించాలని తెలిపారు. “ముఖ్యంగా విమానం క్యాబిన్ లోపల వంటి పొడి వాతావరణంలో, హైడ్రేటింగ్ షీట్ మాస్క్లు లేదా జెల్ ఆధారిత మాస్క్లు చర్మానికి తాత్కాలికంగా తేమను అందిస్తాయి ” అని ఆమె అన్నారు.
హయలురోనిక్ యాసిడ్, సెరామైడ్స్, గ్లిజరిన్, అలోవెరా ,పాంథెనాల్ వంటి పదార్థాలు ఉన్న మాస్క్లను ఉపయోగించమని ఆమె ఇంకా సూచించారు. ప్రయాణ సమయంలో ఎక్స్ఫోలియేటింగ్ రసాయనాలు, చార్కోల్ మాస్క్లు, బలమైన క్రియాశీలకాలు, పీల్-ఆఫ్ మాస్క్లు మరియు క్లే మాస్క్లను ఉపయోగించవద్దని చర్మవ్యాధి నిపుణురాలు సలహా ఇచ్చారు, ఎందుకంటే అవి చికాకును కలిగించగలవు. విమాన ప్రయాణంలో పాటించే ఈ చర్మ సంరక్షణ విధానం వల్ల కలిగే స్పష్టమైన ప్రయోజనం చర్మానికి తేమను అందించడం.
“హైడ్రేటింగ్ షీట్ మాస్క్, చర్మం కోల్పోయిన తేమను తిరిగి నింపడానికి, చర్మం బిగుతుగా ఉన్న భావనను తగ్గించడానికి సహాయపడుతుంది. అంతేకాకుండా, సుదీర్ఘమైన, అలసట కలిగించే విమాన ప్రయాణం తర్వాత కూడా చర్మాన్ని మృదువుగా, మరింత సౌకర్యవంతంగా ఉంచుతుంది. ఇది విమానం క్యాబిన్లోని తక్కువ తేమ కారణంగా కలిగే డీహైడ్రేషన్ను ఎదుర్కోవడానికి కూడా సహాయపడుతుంది. కేవలం షీట్ మాస్క్ వేసుకుని ఊరుకుంటే సరిపోదు. విమాన ప్రయాణంలో కూడా మరికొన్ని స్కిన్ కేర్ టిప్స్ పాటించాలి. మాస్క్ వేసుకునే ముందు చేతులు శుభ్రం చేసుకోమని చర్మ వైద్య నిపుణులు సూచించారు. దీనివల్ల మలినాలు మీ చర్మానికి అంటుకోకుండా ఉంటాయి. మాస్క్ను ఎక్కువ సేపు ఉపయోగించకూడదు. సూచనలలో 20 నిమిషాలు అని ఉంటే, దానిని మీ చర్మంపై అంతకంటే ఎక్కువ సేపు ఉంచుకోవద్దు. మాస్క్ను తీసివేసిన తర్వాత, మిగిలిన సీరమ్ను మీ చర్మంలోకి సున్నితంగా మసాజ్ చేయండి, రెండు చుక్కల ఫేషియల్ సీరమ్ను అప్లై చేసి, ఆ తర్వాత మాయిశ్చరైజర్ను రాయండి. మీరు కనీసం SPF 30 ఉన్న సన్స్క్రీన్ పొరను కూడా రాయాలి.
షీట్ మాస్క్లు సాధారణంగా చాలా మందికి సురక్షితమైనవే, కానీ మీకు ముందు నుంచే చర్మ సమస్యలు ఉంటే, వాటిని వాడకపోవడమే మంచిది. అటువంటి సందర్భాలలో, మీ చర్మ వైద్య నిపుణుడు సిఫార్సు చేసిన ఉత్పత్తులను మాత్రమే మీరు ఉపయోగించాలి. హైడ్రేటింగ్ షీట్ మాస్క్ చర్మానికి కోల్పోయిన తేమను తిరిగి అందించడంలో సహాయపడుతుంది, చర్మం బిగుతుగా ఉన్న భావనను తగ్గిస్తుంది. సున్నితమైన చర్మం ఉన్నవారు షీట్ మాస్క్లను పూర్తిగా మానుకుని, కేవలం మాయిశ్చరైజర్ను మాత్రమే ఉపయోగించాలి” అని డాక్టర్ అన్నారు. విమానం ఎక్కే ముందు సున్నితమైన ఫేస్ వాష్తో ముఖాన్ని శుభ్రం చేసుకోవాలని సూచించారు. సెరామైడ్ అధికంగా ఉండే సున్నితమైన మాయిశ్చరైజర్ను రాసుకోండి. “అలాగే, తగినంత నీరు త్రాగడం, అధికంగా మద్యం సేవించకుండా ఉండటం, తరచుగా ముఖాన్ని తాకకుండా ఉండటం వంటి విషయాలపై శ్రద్ధ వహించండి. బయటకు వెళ్లే ముందు తప్పకుండా సన్స్క్రీన్ రాసుకోండి హైడ్రేటింగ్ లిప్ బామ్ ఉపయోగించండి,” అని ఆ నిపుణులు సిఫాేర్సు చేశారు.
ఎక్కువ మంది చదివినవి : Cinema OTT: కేవలం నలుగురు మనుషులు.. ప్రతి సీన్ భయానకం.. ఈఓటీటీలో ఈ థ్రిల్లర్ మూవీ సంచలనం..
త్రిష పోస్ట్..
ఎక్కువ మంది చదివినవి : Tollywood : ఆ ఇద్దరూ హీరోలకు తల్లిగా అస్సలు నటించను.. సీనియర్ నటి శరణ్య..