వర్షాకాలంలో గ్యాస్ వినియోగం ఎందుకు పెరుగుతుంది?: సాధారణ రోజులతో పోల్చుకుంటే వర్షాకాలంలో తేమతో కూడిన వాతావరణం కారణంగా తరచుగా వంట చేయాల్సి రావడం, వంట సమయం పెరగడం జరుగుతుంది. అలాగే ఫ్రిజ్లో నుంచి తీసిన పదార్థాలను నేరుగా పొయ్యి మీద పెట్టడం వంటి అలవాట్ల వల్ల గ్యాస్ ఎక్కువ అయిపోతుంది.
తక్కువ మంటపై వంట చేయడం మానుకోండి: అయితే గ్యాస్ ఆదా అవుతుందనే ఉద్దేశంతో చాలా మంది తక్కువ మంటపై వంట చేస్తుంటారు. కానీ వర్షాకాలంలో మాత్ర ఇలా చేయడ వద్దు.. ఎందుకంటే తేమ కారణంగా వంట పూర్తి కావడానికి ఎక్కువ సమయం పట్టి గ్యాస్ వృథా అవుతుంది. అంతేకాకుండా గాలికి మంట ఆరిపోయి గ్యాస్ లీక్ అయ్యే ప్రమాదం కూడా ఉంది. కాబట్టి మీడియం ప్లేమ్లో వంట చేయడం బెస్ట్.
ఫ్రిజ్లోని పదార్థాలను నేరుగా వండవద్దు: చాలా మంది ఫ్రిజ్ నుండి తీసిన పాలు, కూరగాయలు లేదా ఇతర పదార్థాలను నేరుగా వాడుతూ ఉంటారు. ఇలా చేయడం వల్ల ఎక్కువ గ్యాస్ వినియోగించాల్సి వస్తుంది. వంట చేయడానికి కొంత సమయం ముందే ఫ్రిజ్లోని పదార్థాలను బయట తీసి ఉంచి, అవి గది ఉష్ణోగ్రతకు వచ్చాక మాత్రమే వండటం ప్రారంభించండి. ఇలా చేయడం ద్వారా గ్యాస్ను ఆదా చేయొచ్చు.
ముందే నానబెట్టడం: చాలా మంది పప్పు వంటి కూరలు చేసేప్పుడు వాటిని నేరుగా మంటపై ఉడికించడం చేస్తుంటారు. ఇలా చేయడం వల్ల అవి ఉడకడానికి ఎక్కువ సమయం తీసుకోవడమే కాకుండా.. గ్యాస్ వినియోగం కూడా పెరుగుతుంది. కాబట్టి మీరు వండటానికి ముందే పప్పు, బియ్యాన్ని కాసేపు నానబెట్టండి. ఇలా చేయడం వల్ల అవి త్వరగా మెత్తబడతాయి. దీనివల్ల వంట సమయం తగ్గడమే కాకుండా గ్యాస్ గణనీయంగా ఆదా అవుతుంది.
కొందరు గ్యాస్ వెలిగించడానికి లైటర్కు బదులు అగ్గిపుల్లలను కూడా వాడుతూ ఉంటారు. అయితే చాలా మంది గ్యాస్ ఆన్ చేసిన తర్వాత అగ్గిపుల్ల వెలిగిస్తారు. కానీ వర్షాకాలంలో గాలిలో తేమ కారణంగా అగ్గిపుల్ల త్వరగా అంటుకోదు.. లేదా త్వరగా ఆరిపోవచ్చు. అప్పుడు మీరు గ్యాస్ ఆన్ చేయడం వల్ల అది లీక్ అయ్యే ప్రమాదం ఉంది. కాబట్టి మీరు అగ్గిపుల్లతో గ్యాస్ వెలిగించేప్పుడు.. ముందుగా అగ్గిపుల్లను వెలిగించి, ఆ తర్వాతే గ్యాస్ నాబ్ను ఆన్ చేయండి. ఈ చిన్న టిఫ్స్ ఫాలో అవ్వడం ద్వారా వర్షాకాలంలో గ్యాస్ను ఆదా చేసుకోవచ్చు.