నాని తన సినీ రంగ ప్రవేశానికి సంబంధించిన పలు ఆసక్తికరమైన, అనూహ్యమైన మలుపులను రవితేజతో జరిగిన ఇంటర్వ్యూలో వివరించారు. ముఖ్యంగా అష్టా చమ్మా చిత్రంతో తాను హీరోగా మారిన విధానాన్ని గుర్తు చేసుకున్నారు. అప్పట్లో ఆడిషన్ల సమయంలో ఇతర నటులకు డైలాగ్లు చెప్పేందుకు ప్రాంప్టర్గా సహాయం చేశానని, తనే హీరో అవుతానని అస్సలు ఊహించలేదని తెలిపారు. ఆడిషన్లు జరుగుతున్న క్రమంలో తనే హీరోగా మారిపోవచ్చని కొందరు సూచించగా, తనపై జాలి పడినట్లు అనిపించిందని, “ఏంటి నన్ను హీరో అంటున్నారు? వీడు ఎవడు చూస్తాడు వీడిని?” అని మొదట్లో అనుకున్నానని నాని చెప్పారు. అయితే, జీవితంలో ఒక జ్ఞాపకంగా ఒక సీడీ ఉంటుందని భావించి, ఆ అవకాశాన్ని అంగీకరించినట్లు వెల్లడించారు. తాను రాంగ్ అని నిరూపిస్తూ, ఆ చిత్రం విజయవంతమైందని పేర్కొన్నారు.
అనంతరం రవితేజ మాట్లాడుతూ సింధూరం చిత్రానికి సంబంధించిన తన ఎంపిక ప్రక్రియను వివరించారు. ఈ సినిమా అనౌన్స్ అయిన తర్వాత, తొలుత బ్రహ్మాజీ పాత్ర ఖరారైందని, అయితే తన పాత్ర ఎంపికపై చాలా మందికి సందేహాలు వ్యక్తమయ్యాయని తెలిపారు. “చికెన్ మైండ్ దొబ్బిందా?” అంటూ పలువురు ప్రశ్నించారని, తనను ఎంపిక చేయడంలో ఆప్షన్లు ఉన్నప్పటికీ, చాలా మందికి తనపై నమ్మకం లేదని గుర్తు చేసుకున్నారు. అయితే, తనకు ఎలాంటి ప్రాబ్లమ్ లేదని, “ఇది కాకపోతే నెక్స్ట్” అన్న ధోరణితో ఉన్నానని చెప్పారు. ఆ తర్వాత జరిగిన ఫోటోషూట్ అద్భుతంగా వచ్చిందని, “ఇది నేనేనా?” అని తనకు తాను ఆశ్చర్యపోయానని అన్నారు. ఈ ఫోటోషూట్ తర్వాత తనపై పూర్తి నమ్మకం కుదిరిందని, ఆ పాత్రకు తాను సరైన ఎంపిక అని అందరూ భావించినట్లు వివరించారు.
సింధూరం చిత్రంలో తన క్యారెక్టర్ గురించి మాట్లాడుతూ, వాస్తవానికి ఆ కథలో తన పాత్ర లేదని, అది కేవలం ఎంటర్టైన్మెంట్ కోసమే తీసుకొచ్చిన ఎలిమెంట్ అని రవితేజ తెలిపారు. సినిమా విడుదలైన తర్వాత ఆ పాత్ర సాలిడ్గా వర్కవుట్ అయిందని, ఎవరూ ఊహించని విధంగా ప్రేక్షకుల ఆదరణ పొందిందని చెప్పారు. “ఆ గడ్డం వాడు ఎవడ్రా?” అంటూ తన పాత్ర గురించి ప్రజలు మాట్లాడుకోవడం, అది సినిమాకు ప్రధాన ఆకర్షణగా నిలవడం తనకు సర్ప్రైజ్ ఇచ్చిందని వెల్లడించారు. సినిమా విడుదలైన తర్వాత తన పాత్ర బలే ఉందని ఫోన్లు చేసి చెప్పేవారని, అప్పటి వరకు తాను ఊహించని విధంగా ఆ పాత్రకు వచ్చిన గుర్తింపు తనను ఆశ్చర్యపరిచిందని వివరించారు.
ఎక్కువమంది చదివినవి : Tollywood : రూ.16 కోట్లతో తీస్తే 400 కోట్ల కలెక్షన్.. యావత్ దేశమే ఆశ్చర్యపోయేలా చేసిన సినిమా..
ఎక్కువమంది చదివినవి : Ramayana Trailer : ఏముందిరా బాబూ.. కుర్రాళ్లు తెగ వెతుకున్న చిన్నది.. రామాయణ ట్రైలర్లో తనే స్పెషల్..