చికెన్ను ముందుగా మసాలాలతో మ్యారినేట్ చేసి ఆ తర్వాత ఉల్లిపాయ, టమాటా, అల్లం, వెల్లుల్లి వంటి పదార్థాలతో తవాపై వేయిస్తే మంచి రుచి వస్తుంది. రెస్టారెంట్లో లభించే స్టార్టర్లా దీన్ని సర్వ్ చేసుకోవచ్చు. తవా చికెన్పై కొత్తిమీర, సన్నగా తరిగిన ఉల్లిపాయ వేసి వేడివేడిగా సర్వ్ చేయాలి. స్టార్టర్గా మాత్రమే కాకుండా రుమాలి రోటీ, నాన్, పరోటా వంటి వాటితో కూడా తినొచ్చు
కావాల్సిన పదార్థాలు
చికెన్ – 500 గ్రాములు
పెరుగు – 3 నుంచి 4 టేబుల్ స్పూన్లు
అల్లం వెల్లుల్లి పేస్ట్ – 1 టేబుల్ స్పూన్
కారం – 1 టీస్పూన్
పసుపు – ¼ టీస్పూన్
గరం మసాలా – ½ టీస్పూన్
మిరియాల పొడి – ½ టీస్పూన్
ఉప్పు – తగినంత
ఉల్లిపాయ – 1
టమాటా – 2
అల్లం – 1 చిన్న ముక్క
వెల్లుల్లి – 3, 4 రెబ్బలు
నూనె లేదా వెన్న – 2 టేబుల్ స్పూన్లు
కొత్తిమీర – కొద్దిగా
కసూరీ మేతి – కొద్దిగా
తయారీ విధానం
1. చికెన్ను మ్యారినేట్ చేయాలి
చికెన్ ముక్కలను శుభ్రంగా కడిగి ఒక గిన్నెలోకి తీసుకోవాలి. అందులో పెరుగు, అల్లం వెల్లుల్లి పేస్ట్, కారం, పసుపు, మిరియాల పొడి, గరం మసాలా, ఉప్పు వేసి బాగా కలపాలి. కనీసం 20–30 నిమిషాలు మ్యారినేట్ చేయాలి. ఎక్కువ సమయం మ్యారినేట్ చేస్తే మసాలా చికెన్లోకి బాగా పడుతుంది.
2. తవాపై మసాలా వేయించాలి
తవా లేదా వెడల్పాటి పాన్ వేడి చేసి నూనె లేదా వెన్న వేయాలి. అల్లం, వెల్లుల్లి, సన్నగా తరిగిన ఉల్లిపాయ వేసి వేయించాలి. ఉల్లిపాయ కొద్దిగా బ్రౌన్ కలర్ వచ్చే వరకు వేయిస్తే రుచి బాగుంటుంది.
3. టమాటా, మసాలాలు కలపాలి
ఇప్పుడు తరిగిన టమాటా వేసి మెత్తగా అయ్యే వరకు వేయించాలి. అవసరమైనంత ఉప్పు, కొద్దిగా కారం, గరం మసాలా వేసి కలపాలి. మసాలా బాగా ఉడికిన తర్వాత మ్యారినేట్ చేసిన చికెన్ను అందులో వేయాలి.
4. చికెన్ను తవాపై ఉడికించాలి
మొదట ఎక్కువ మంటపై 2–3 నిమిషాలు వేయించి, ఆ తర్వాత మంటను తగ్గించి చికెన్ ఉడికే వరకు కలుపుతూ ఉండాలి. చికెన్ నుంచి వచ్చే నీటితోనే కొంతసేపు ఉడుకుతుంది. నీరు పూర్తిగా తగ్గి మసాలా చికెన్ ముక్కలకు బాగా పట్టే వరకు వేయించాలి.
5. చివర్లో ఈ టచ్ ఇస్తే రుచి అదుర్స్
చికెన్ బాగా ఉడికిన తర్వాత కొద్దిగా కసూరీ మేతి, కొత్తిమీర వేసి కలపాలి. మరింత రిచ్ టేస్ట్ కావాలనుకుంటే కొద్దిగా వెన్న లేదా ఫ్రెష్ క్రీమ్ కూడా వేసుకోవచ్చు. అయితే ఇది పూర్తిగా ఐచ్ఛికం.
6. వేడివేడిగా సర్వ్ చేయండి
తయారైన తవా చికెన్పై కొత్తిమీర, సన్నగా తరిగిన ఉల్లిపాయ వేసి వేడివేడిగా సర్వ్ చేయాలి. స్టార్టర్గా మాత్రమే కాకుండా రుమాలి రోటీ, నాన్, పరోటా వంటి వాటితో కూడా తినొచ్చు.