తక్కువ ధరలకు నాణ్యమైన నిత్యావసర వస్తువులు, గృహోపకరణాలు అందించే ప్రముఖ రిటైల్ చైన్ డిమార్ట్ ఎప్పుడూ వినియోగదారులతో రద్దీగా ఉంటుంది. అయితే ఆగస్టు నెల ప్రారంభం కాగానే డిమార్ట్లో మరో ప్రత్యేక దృశ్యం కనిపిస్తోంది. ముఖ్యంగా మహిళలు పెద్ద సంఖ్యలో స్టోర్లకు తరలివస్తున్నారు. దీనికి కారణం రక్షాబంధన్ పండుగ కోసం ప్రత్యేకంగా ఏర్పాటు చేసిన రాఖీ కలెక్షన్.
ఆగస్టు నెలలో రక్షాబంధన్ సమీపిస్తున్న నేపథ్యంలో డిమార్ట్ స్టోర్లలో ప్రత్యేక రాఖీ విభాగాలను ఏర్పాటు చేశారు. రంగురంగుల డిజైన్లు, సంప్రదాయ రాఖీలు, పిల్లల కోసం కార్టూన్ థీమ్ రాఖీలు, మహిళల కోసం లుంబా రాఖీలు వంటి అనేక రకాల ఉత్పత్తులు అందుబాటులో ఉంచారు. మార్కెట్ ధరలతో పోలిస్తే తక్కువ ధరలకు లభిస్తుండటంతో మహిళలు ఈ విభాగంలో ఎక్కువ ఆసక్తి చూపుతున్నారు.
చాలా మంది వినియోగదారులు నెలకు కావాల్సిన కిరాణా, గృహోపకరణ వస్తువులను కొనుగోలు చేస్తూనే, రక్షాబంధన్కు అవసరమైన రాఖీలను కూడా ఒకేచోట కొనుగోలు చేస్తున్నారు. దీంతో సమయం, ఖర్చు రెండూ ఆదా అవుతున్నాయని వినియోగదారులు చెబుతున్నారు. రాఖీలతో పాటు అన్నదమ్ములకు ఇచ్చే గిఫ్ట్ ప్యాక్లు, చాక్లెట్లు, స్వీట్లు, పూజా సామాగ్రి, గిఫ్ట్ ర్యాపింగ్ వస్తువులు, అలంకరణ సామగ్రిపై కూడా డి-మార్ట్ ఆకర్షణీయమైన ఆఫర్లు అందిస్తోంది. దీంతో రక్షాబంధన్కు అవసరమైన దాదాపు అన్ని వస్తువులు ఒకేచోట లభిస్తున్నాయి.
ప్రత్యేకంగా కొత్త డిజైన్లలో వచ్చిన రాఖీలు మహిళలను ఆకట్టుకుంటున్నాయి. చిన్నారుల కోసం సూపర్ హీరోలు, కార్టూన్ పాత్రలతో రూపొందించిన రాఖీలు కూడా మంచి డిమాండ్ను సొంతం చేసుకుంటున్నాయి. కుటుంబ సభ్యుల కోసం ఒకేసారి షాపింగ్ పూర్తి చేసుకునే అవకాశం ఉండటంతో డి-మార్ట్కు మహిళల రాక రోజురోజుకూ పెరుగుతోంది. రక్షాబంధన్ సమీపించే కొద్దీ ఈ రద్దీ మరింత పెరిగే అవకాశం ఉందని రిటైల్ వర్గాలు భావిస్తున్నాయి. పండుగకు అవసరమైన అన్ని వస్తువులు సరసమైన ధరల్లో ఒకేచోట లభించడం, విభిన్న డిజైన్లలో రాఖీలు అందుబాటులో ఉండటంతో ఈ ఆగస్టు నెలలో డి-మార్ట్ మహిళల షాపింగ్కు ప్రధాన కేంద్రంగా మారింది.
మరిన్ని బిజినెస్ వార్తల కోసం ఇక్కడ క్లిక్ చేయండి