టీ, కాఫీకి బదులుగా ఒక కప్పు సత్తువనిచ్చే సగ్గుబియ్యం ఫూల్ మఖానా పాయసాన్ని గిన్నెడు తింటే చాలు. ఇది పోషకాలను అందిస్తూ, నొప్పులను దూరం చేస్తుంది. బెల్లం, పాలు, ఫూల్ మఖానా, సగ్గుబియ్యం కలయికతో తయారైన ఈ కమ్మని పాయసం ఐరన్, కాల్షియంతో పాటు ఎన్నో ఆరోగ్య ప్రయోజనాలను కలిగిస్తుంది. డయాబెటిస్, బరువు తగ్గాలనుకునే వారికి, గుండె ఆరోగ్యానికి చాలా మంచిది.
ఆరోగ్యకరమైన ఆహారం, పోషకాలతో కూడిన వంటకాలపై ఆసక్తి పెరుగుతున్న సగ్గుబియ్యం, ఫూల్ మఖానా పాయసం రెసిపీ ఎంతో మందిని ఆకర్షిస్తోంది. ప్రతిరోజూ మనం తాగే టీ, కాఫీలకు బదులుగా కేవలం ఒక కప్పు ఈ పాయసాన్ని తీసుకోవడం వల్ల ఎన్నో ఆరోగ్య ప్రయోజనాలను పొందవచ్చు. ఇది కేవలం రుచిని మాత్రమే కాకుండా, శక్తిని, సత్తువను అందించే అద్భుతమైన వంటకం.
సగ్గుబియ్యం నానబెట్టడం: ముందుగా అర కప్పు పెద్ద సగ్గుబియ్యాన్ని రెండు గంటల పాటు నానబెట్టాలి. ముందుగా నానబెట్టడం వల్ల పాయసం త్వరగా ఉడుకుతుంది. ఒక గిన్నెలో అర కప్పు తురిమిన బెల్లం, పావు కప్పు నీళ్లు కలిపి బెల్లం కరిగే వరకు మరిగించాలి. పూర్తిగా కరిగిన తర్వాత ఒక నిమిషం పాటు మరిగించి, బెల్లం సిరప్ను వడగట్టి పక్కన పెట్టుకోవాలి. ఇలా చేయడం వల్ల పాలు విరగకుండా ఉంటాయి.
ఒక టీ స్పూన్ నెయ్యిలో ఒక కప్పు ఫూల్ మఖానాను బంగారు రంగు వచ్చేవరకు, క్రిస్పీగా మారేవరకు మూడు నుండి నాలుగు నిమిషాలు వేయించి పక్కన పెట్టుకోవాలి. అదే కడాయిలో మూడున్నర కప్పుల పాలను పొంగు వచ్చే వరకు మరిగించాలి. ఫుల్ ఫ్యాట్ పాలను ఉపయోగించడం వల్ల పాయసం రుచిగా ఉంటుంది. పాలు మరిగిన తర్వాత, నానబెట్టిన సగ్గుబియ్యం, కొద్దిగా కుంకుమపువ్వును వేసి, సగ్గుబియ్యంగా మారేవరకు ఉడికించాలి. 10-12 బాదం పప్పులు, ఒక టీ స్పూన్ పిస్తా పప్పు, నాలుగు యాలకులను మిక్సీలో వేసి మెత్తని పొడిలా గ్రైండ్ చేసుకోవాలి. ఈ పొడి పాయసానికి అద్భుతమైన రుచిని ఇస్తుంది.
సగ్గుబియ్యం ఉడికిన తర్వాత, గ్రైండ్ చేసిన బాదం పొడిని వేసి, గడ్డలు కట్టకుండా బాగా కలపాలి. రెండు నిమిషాలు ఉడికించిన తర్వాత, సన్నగా తరిగిన బాదం ముక్కలు, వేయించిన ఫూల్ మఖానా వేసి స్టవ్ ఆఫ్ చేయాలి. పాయసం కొద్దిగా చల్లారిన తర్వాత, వడగట్టిన బెల్లం కలిపి బాగా మిక్స్ చేయాలి. బెల్లం బదులు చక్కెరను ఉపయోగించాలనుకుంటే, బాదం పొడి వేసేటప్పుడు అర కప్పు చక్కెరను కలుపుకోవచ్చు.