సోషల్ మీడియాలో ఇటీవల ఒక విచిత్రమైన, భయానక సీసీటీవీ ఫుటేజ్ విపరీతంగా వైరల్ అవుతోంది. ఒక యువతి భవనం మెట్లు దిగుతుండగా, వెనుక ఎవరూ లేకపోయినా హఠాత్తుగా ఎవరో తోసేసినట్లు కిందపడిపోయింది. ఈ దృశ్యాలు చూసిన నెటిజన్లు అది దెయ్యం లేదా అదృశ్య శక్తి చేసిన పనేనంటూ కామెంట్లు చేస్తున్నారు. ఈ భయాందోళన కలిగించే వీడియో ప్రస్తుతం ఇంటర్నెట్లో తీవ్రమైన చర్చకు దారితీసింది.
వైరల్ అవుతున్న దృశ్యాల ప్రకారం.. ఒక భవనంలోని మెట్ల మార్గంలో ఒక యువతి సాధారణంగా కిందకు దిగుతోంది. అయితే, కొన్ని మెట్లు దిగిన తర్వాత హఠాత్తుగా ఆమె బ్యాలెన్స్ తప్పి ముందుకు పడిపోయింది. సాధారణంగా ఎవరైనా కాలు జారి పడిపోతే దానికి, ఈ వీడియోలో ఆమె పడిపోయిన తీరుకు చాలా తేడా కనిపిస్తోంది. ఎవరైనా వెనుక నుంచి గట్టిగా తోస్తే ఏ విధంగా ముందుకు పడతారో, సరిగ్గా అదే రీతిలో ఆమె కిందపడటం సీసీటీవీ కెమెరాలో రికార్డయ్యింది. అత్యంత ఆశ్చర్యకరమైన విషయమేమిటంటే, ఆ సమయంలో ఆమె వెనుక ఏ వ్యక్తి కూడా లేరు.
ఈ వీడియో సోషల్ మీడియాలో ప్రత్యక్షమవ్వగానే నెటిజన్లు రెండు వర్గాలుగా విడిపోయి తమ అభిప్రాయాలను వ్యక్తం చేస్తున్నారు. ఆ భవనంలో దెయ్యం లేదా అదృశ్య శక్తి ఉందని, అందుకే వెనుక నుంచి ఎవరూ లేకపోయినా ఆ యువతి తీవ్రమైన ఒత్తిడితో ముందుకు పడిపోయిందని కొందరు కామెంట్ చేస్తున్నారు.
ఇవి కూడా చదవండి
మరికొందరు మాత్రం దీనిని తీవ్రంగా ఖండిస్తున్నారు. ఇది సీసీటీవీ వీడియోను ఎడిట్ చేసి క్రియేట్ చేసిన ఫేక్ వీడియో అయి ఉండవచ్చని లేదా ఆ యువతి కాలు సరిగ్గా పడక సొంతంగానే కిందపడిపోయిందని భావిస్తున్నారు. కారణం ఏదైనప్పటికీ, ఈ వీడియో చూసిన చాలామంది రాత్రి వేళల్లో మెట్లు దిగడానికి కూడా భయపడుతున్నామంటూ కామెంట్లు పెడుతున్నారు. మూఢనమ్మకాలను ప్రోత్సహించేలా ఉన్న ఇటువంటి వీడియోల పట్ల జాగ్రత్తగా ఉండాలని, ఇవి నిజమా లేక డిజిటల్ ఎడిటింగ్ కాంబినేషనా అనే విషయాలు స్పష్టం కావాల్సి ఉందని సాంకేతిక నిపుణులు అభిప్రాయపడుతున్నారు.