టాటా టియాగో: మీకు మంచి మైలేజీతో పాటు పటిష్టమైన బిల్డ్ క్వాలిటీ, 4-స్టార్ సేఫ్టీ రేటింగ్ కావాలంటే, సెలెరియో, ఆల్టో కంటే టాటా టియాగో చాలా ఉత్తమమైన ఎంపిక. 1.2-లీటర్ రెవోట్రాన్ ఇంజన్తో వచ్చే టియాగో 86 BHP పవర్, 113 Nm టార్క్ అందిస్తుంది. ఇది డ్రైవింగ్ చేసేటప్పుడు మరింత శక్తివంతంగా, స్థిరంగా అనిపిస్తుంది. టియాగో ధర రూ.5.65 లక్షల నుండి రూ.8.90 లక్షల మధ్య ఉంటుంది. దీని గరిష్ట వేగం గంటకు 150 కిలోమీటర్లు. మైలేజీ విషయానికి వస్తే, టియాగో పెట్రోల్లో 19.01 kmpl, CNGలో 26.49 km/kg మైలేజీని ఇస్తుంది. మీరు టియాగోను సెలెరియోతో పోల్చి చూస్తే, సెలెరియో 2 నుండి 3 kmpl ఎక్కువ మైలేజీ ఇస్తుంది. కానీ టియాగో ప్రమాదాల నుండి మెరుగైన రక్షణ, అద్భుతమైన రోడ్ ప్రెజెన్స్, పటిష్టతను అందిస్తుంది. ప్రతిరోజూ 50 కిలోమీటర్ల హైవే, సిటీలో ప్రయాణించే వారికి భద్రత విషయంలో టియాగో మరింత నమ్మదగినది.