రామాయణానికి సంబంధించిన పుణ్యక్షేత్రాలను సందర్శించాలని ప్రతిఒక్కరూ కోరుకుంటారు. మీరు కూడా రామాయణానికి సంబంధించిన పవిత్ర స్థలాలను సందర్శించాలనుకుంటే, ఈ వార్త మీకు ఉపయోగపడుతుంది. IRCTC యాత్రికుల కోసం ఒక ప్రత్యేక శ్రీలంక రామాయణ యాత్ర ప్యాకేజీని ప్రవేశపెట్టింది. ఈ యాత్ర ప్యాకేజీ భక్తులను రామాయణ కాలానికి సంబంధించిన అనేక పుణ్యక్షేత్రాలకు, అలాగే శ్రీలంకలోని కొన్ని అత్యంత ప్రసిద్ధ పర్యాటక ప్రదేశాలకు తీసుకువెళుతుంది. ఈ యాత్ర ప్యాకేజీ ధర, సౌకర్యాల గురించి మరింత తెలుసుకుందాం…
రామాయణంతో సంబంధం ఉన్న పుణ్యక్షేత్రాలను దర్శించుకోవాలనుకునే భక్తుల కోసం IRCTC ప్రత్యేకమైన ప్యాకేజీని ప్రకటించింది. ఈ ప్యాకేజీ మొత్తం 5 రాత్రులు, 6 రోజులు ఉంటుంది. ఈ యాత్ర 2026 సెప్టెంబర్ 24న బెంగళూరు విమానాశ్రయం నుండి శ్రీలంకన్ ఎయిర్లైన్స్ ఎకానమీ క్లాస్ ఫ్లైట్ ద్వారా ప్రారంభమవుతుంది.
సందర్శించే ముఖ్యమైన క్షేత్రాలు:
మొదటి రోజు: బెంగళూరు నుండి కొలంబో చేరుకుని, అక్కడ నుండి దంబుల్లా వెళ్లే మార్గంలో మనవారి, మునీశ్వరం ఆలయాల దర్శనం.
ఇవి కూడా చదవండి
రెండో రోజు: దంబుల్లా గుహాలయం, త్రింకోమలీలోని తిరు కోనేశ్వరం ఆలయం, శ్రీ లక్ష్మీ నారాయణ పెరుమాళ్ ఆలయ సందర్శన.
మూడో రోజు: క్యాండీ నగరం ప్రయాణం, టెంపుల్ ఆఫ్ ద టూత్ (దంత ఆలయం) దర్శనం, సాంస్కృతిక కార్యక్రమాలు.
నాల్గవ రోజు: నువారా ఎలియాలోని శ్రీ భక్త హనుమాన్ ఆలయం, రాంబోడా, సీతా అమ్మన్ ఆలయం, అశోక వాటిక సందర్శన.
ఐదో రోజు: పిన్నవాల ఏనుగుల అనాథశరణాలయం, కొలంబో నగర విహారం, కేలనియా బుద్ధ ఆలయం, బలి ఆంజనేయ ఆలయ దర్శనం.
ఆరో రోజు: కొలంబోలో షాపింగ్ అనంతరం తిరిగి బెంగళూరుకు చేరుకోవడంతో యాత్ర ముగుస్తుంది.
ప్యాకేజీ ధర వివరాలు (ప్రతి ఒక్కరికి):
సింగిల్ ఆక్యుపెన్సీ : రూ. 81,100
డబుల్ ఆక్యుపెన్సీ: రూ. 60,500
ట్రిపుల్ ఆక్యుపెన్సీ : రూ. 59,950
పిల్లలకు (5-11 ఏళ్లు, బెడ్తో): రూ. 46,000
ప్యాకేజీలో లభించే సౌకర్యాలు:
ఈ ప్యాకేజీలో విమాన టికెట్లు, 5 రాత్రుల హోటల్ వసతి, ప్రతిరోజు ఉదయం ఉపహారం, మధ్యాహ్నం, రాత్రి భోజనం (టిఫిన్/భోజనాలు), ఎంట్రీ టికెట్లు, ఇంగ్లీష్ మాట్లాడే గైడ్, విదేశీ ప్రయాణ ఇన్సూరెన్స్, జీఎస్టీ/టిసిఎస్ చేర్చబడ్డాయి. అయితే పాస్పోర్ట్ గడువు తిరిగొచ్చే తేదీ నుండి కనీసం 6 నెలలు ఉండటం తప్పనిసరి. ఆసక్తి గల భక్తులు ఐఆర్సీటీసీ అధికారిక వెబ్సైట్ ద్వారా తమ టికెట్లను బుక్ చేసుకోవచ్చు.
మరిన్ని లైఫ్ స్టైల్ న్యూస్ కోసం క్లిక్ చేయండి..