కోలీవుడ్ హీరో విజయ్ దళపతి ప్రస్తుతం తమిళనాడు ముఖ్యమంత్రిగా విధులు నిర్వహిస్తున్నారు. ఈ క్రమంలోనే అటు ఆయన తనయుడు జాసన్ సంజయ్ మాత్రం దర్శకుడిగా తెరంగేట్రం చేయనున్నారు. టాలీవుడ్ హీరో సందీప్ కిషన్ హీరోగా జాసన్ సంజయ్ తెరకెక్కించిన సినిమా సిగ్మా. ఈ సినిమాకు సంబంధించిన అన్ని అప్డేట్లు సోషల్ మీడియాలో విడుదలవుతూ, బాగా చర్చనీయాంశం అవుతున్నాయి. ఈ నేపథ్యంలో సినిమా ప్రమోషన్ కోసం జాసన్ సంజయ్ ఇటీవల ఇచ్చిన ఇంటర్వ్యూలు కూడా అందరి దృష్టిని ఆకర్షించాయి. ముఖ్యంగా, తన తండ్రి విజయ్, ఆయన రాజకీయ ప్రవేశం గురించి జాసన్ మాట్లాడిన తీరుపై చర్చ జరిగింది. ఇప్పుడు ఆయన తన సోదరి దివ్య సాషా గురించి చెప్పిన విషయాలు వైరల్ అవుతున్నాయి. తాము చిన్నప్పుడు చాలా ఎక్కువగా పోట్లాడుకునేవారమని, అయితే ఇంటికి దూరమయ్యాకనే ఒకరినొకరు ఎంతగా మిస్ అవుతున్నామో అర్థమైందని జాసన్ సంజయ్ అన్నారు.
ఎక్కువమంది చదివినవి : Aamani : సినిమాలు మానేసి సీరియల్స్ చేయడానికి కారణం అదే.. ఎట్టకేలకు ఆమని ఓపెన్ కామెంట్స్..
“మేము చిన్నప్పుడు ఏదో ఒక చిన్న విషయం మీద పోట్లాడుకునేవాళ్ళం. కానీ, ఇంట్లో మాత్రం అది నా తప్పే అని ఎప్పుడూ నమ్మేవాళ్ళం. ఆ తర్వాత, నేను మొదట నా చదువుల కోసం ఇంటి నుండి బయటకు వెళ్ళాను. కొంతకాలం తర్వాత నేను మా సొంత ఊరికి తిరిగి వచ్చినప్పుడు, నా సోదరి దివ్య కూడా ఉన్నత చదువుల కోసం విదేశాలకు వెళ్ళింది. మేమిద్దరం ఒకే ఇంట్లో కలిసి జీవించి, వేర్వేరుగా దూరమయ్యాకనే ఒకరినొకరు ఎంతగా మిస్ అవుతున్నామో గ్రహించాము” అని అన్నారు.
ఎక్కువమంది చదివినవి : K. Raghavendra Rao: ఆ హీరోయిన్తో 24 సినిమాలు చేశా.. అలాంటి చావు ఎవరికీ రాకూడదు.. డైరెక్టర్ రాఘవేంద్ర రావు..
“ఆ తర్వాత మేమిద్దరం వీడియో కాల్స్లో తరచుగా మాట్లాడుకోవడం మొదలుపెట్టాం. దూరం పెరిగే కొద్దీ మా బంధం మరింత బలపడింది. దివ్యకు సినిమా అంటే చాలా ఇష్టం. నా మొదటి సినిమా ‘సిగ్మా’ కథను మొదట ఆమెకే చెప్పాను. ఆమె ఏమాత్రం సంకోచం లేకుండా తన నిజాయితీ అభిప్రాయాన్ని చెబుతుంది. అందుకే నా ఆలోచనలను మొదట ఆమెతోనే పంచుకుంటాను. ఆమె ఒకసారి నిర్ణయం తీసుకుంటే, దాని నుండి అంత సులభంగా మార్చలేరు. ఒకవేళ ఎవరికైనా భిన్నమైన అభిప్రాయం ఉన్నా, ఆమె తన వాదనను స్పష్టంగా వివరించి ఇతరులకు అర్థమయ్యేలా చెబుతుంది. నేను దర్శకుడిగా పనిచేయడం మొదలుపెట్టిన తర్వాతే ఇలాంటి గుణం ఎంత ముఖ్యమో నాకు అర్థమైంది” అంటూ చెప్పుకొచ్చారు.
ఎక్కువమంది చదివినవి : Tollywood : రూ.16 కోట్లతో తీస్తే 400 కోట్ల కలెక్షన్.. యావత్ దేశమే ఆశ్చర్యపోయేలా చేసిన సినిమా..
ఎక్కువమంది చదివినవి : Ramayana Trailer : ఏముందిరా బాబూ.. కుర్రాళ్లు తెగ వెతుకున్న చిన్నది.. రామాయణ ట్రైలర్లో తనే స్పెషల్..