PNB Bank Alert: మీకు కూడా పంజాబ్ నేషనల్ బ్యాంక్ (PNB)లో ఖాతా ఉందా? అయితే, ఈ వార్త మీకు చాలా ముఖ్యమైనది. ఆ బ్యాంక్ తన వినియోగదారులకు ఒక హెచ్చరిక జారీ చేసింది. మీరు సెప్టెంబర్ లోగా ఈ పనిని పూర్తి చేయకపోతే మీ ఖాతా నిలిచిపోవచ్చు. అసలు విషయం ఏమిటో తెలుసుకుందాం.
అసలు విషయం ఏమిటి?
పీఎన్బీ బ్యాంక్ తన ఖాతాదారులకు బ్యాంకు ఖాతాల మూసివేతకు సంబంధించి ఒక హెచ్చరిక జారీ చేసింది. గత మూడేళ్లుగా ఎలాంటి లావాదేవీలు జరగని, బ్యాలెన్స్ సున్నాగా ఉన్న ఖాతాలను మూసివేయవచ్చని బ్యాంక్ పేర్కొంది. ఈ సమాచారాన్ని బ్యాంక్ తన అధికారిక ఎక్స్ (గతంలో ట్విట్టర్) ఖాతాలో ఒక పోస్ట్ ద్వారా పంచుకుంది.
పోస్టులో ఏముంది?
బ్యాంకు ఈ పోస్ట్కు నిష్క్రియ ఖాతాలకు సంబంధించిన ముఖ్యమైన సమాచారం – దయచేసి గమనించండి” అని శీర్షిక పెట్టింది. దాని తర్వాతి పోస్ట్లో ఇలా ఉంది. “గత మూడు సంవత్సరాలుగా కొన్ని ఖాతాలలో వినియోగదారులు లావాదేవీలు జరపలేదని, వాటిలో ఎలాంటి నిల్వ లేదని మా దృష్టికి వచ్చింది. దుర్వినియోగం, దానితో ముడిపడి ఉన్న నష్టాలను నివారించడానికి బ్యాంకు ఈ ఖాతాలను మూసివేయాలని నిర్ణయించింది.” అందువల్ల, జూన్ 30, 2026 నాటికి మూడు సంవత్సరాలకు పైగా ఎటువంటి లావాదేవీలు లేదా కార్యకలాపాలు జరపని, జీరో లేదా నిల్వ లేని ఖాతాదారులకు ఈ నోటీసు జారీ చేయబడింది. అటువంటి ఖాతాదారులందరూ బ్యాంకుతో నిరంతరాయ బ్యాంకింగ్ సేవలను పొందడం కొనసాగించడానికి, సెప్టెంబర్ 13, 2026 లోపు తమ KYC పత్రాలను తమ సంబంధిత బ్యాంకు శాఖకు సమర్పించి, తమ ఖాతాలను పునరుద్ధరించుకోవాలని అభ్యర్థించడమైనది.” అని బ్యాంకు తన పోస్ట్లో పేర్కొంది.
निष्क्रिय खातों के संबंध में महत्वपूर्ण सूचना – कृपया ध्यान दें। #Notice #सूचना #Banking #PNB #बैंकिंग #पीएनबी #केवाईसी pic.twitter.com/JCEnnfyhZj
— Punjab National Bank (@pnbindia) August 14, 2026
మీ ఖాతాను మూసివేయాలనుకుంటున్నారా?
ఇది మాత్రమే కాకుండా తమ ఖాతాను మూసివేయాలనుకుంటే తమ ఖాతా పెన్షన్, సబ్సిడీ, రుణం, బీమా లేదా మరే ఇతర చెల్లింపుతోనూ ముడిపడి లేదని ముందుగా ధృవీకరించుకోవాలని బ్యాంకు వినియోగదారులకు సూచించింది. ఏ విధమైన సమాచారం లేదా సహాయం కోసమైనా పీఎన్బీ టోల్-ఫ్రీ నంబర్లను కూడా జారీ చేసింది. భవిష్యత్తులో ఇటువంటి సమస్యలను నివారించడానికి, వినియోగదారులు తమ బ్యాంకు ఖాతాలలో ఎప్పటికప్పుడు లావాదేవీలు జరపాలని, తమ కేవైసీ వివరాలను అప్డేట్గా ఉంచుకోవాలని సూచించారు.
ఇది కూడా చదవండి: House Construction: ఇంటి నిర్మాణంలో చాలా మంది చేసే పెద్ద పొరపాటు ఏదో తెలుసా..? ఇది ఇల్లు బలానికే పెద్ద దెబ్బ..!
ఇది కూడా చదవండి: Chicken Prices: మాసం ప్రియులకు గుడ్న్యూస్.. భారీగా తగ్గిన చికెన్ ధర.. ఎంతో తెలిస్తే ఎగబడి కొంటారు..!
ఇది కూడా చదవండి: Hyderabad: తెలంగాణలో భూములకు రికార్డు ధర.. ఎకరం రూ.264 కోట్లు.. ఎవరు కొన్నారో తెలుసా?
మరిన్ని బిజినెస్ వార్తల కోసం ఇక్కడ క్లిక్ చేయండి