సీనియర్ డైరెక్టర్ సాగర్ తన శిష్యులైన ప్రముఖ దర్శకులు వి.వి. వినాయక్, శ్రీను వైట్ల, రవి యజ్ఞంల కెరీర్ ప్రస్థానంలో ఎదుర్కొంటున్న ఒడిదుడుకులపై ఆసక్తికరమైన వ్యాఖ్యలు చేశారు. సినిమా రంగంలో విజయం, అపజయం ఒక చక్రంలా తిరుగుతాయని ఆయన అభిప్రాయపడ్డారు. వి.వి. వినాయక్ తన శిష్యుల్లో అత్యున్నత స్థాయికి చేరుకున్నాడని సాగర్ పేర్కొన్నారు. చిరంజీవి సెకండ్ ఇన్నింగ్స్కు దర్శకత్వం వహించి, విజయం అందించిన తర్వాత వినాయక్ కెరీర్ అకస్మాత్తుగా ఎందుకు మందగించిందనే ప్రశ్నకు సాగర్ స్పందించారు. ఇంటిలిజెంట్ వంటి సినిమా వైఫల్యం వల్ల చాలా మంది వినాయక్కు దూరమయ్యారని చెప్పే మాటలను ఆయన కొట్టిపారేశారు. వినాయక్ కథలు తయారు చేయడానికి చాలా ఇబ్బంది పడుతున్నారని సాగర్ వివరించారు. ఆయన తనే కొన్ని విభిన్నమైన స్టైల్స్ ప్రయత్నించగా, అవి వర్కౌట్ కాలేదని, అదే పాత స్టైల్లో వెళ్తే, ఈయనకు ఇదే డైరెక్షన్ తెలుసా అనుకుంటారని తెలిపారు. జనాలకు ఎక్కే సరైన కథ దొరికినప్పుడు వినాయక్ మళ్లీ సినిమా చేస్తారని ధీమా వ్యక్తం చేశారు.
నాకంటే అతనే బాగా సూట్ అవుతాడు..! బ్లాక్ బస్టర్ సినిమాను ఆ హీరోకు ఇచ్చేసిన సూపర్ స్టార్ కృష్ణ
వినాయక్ నటుడిగా సీనయ్య అనే చిత్రాన్ని ప్రారంభించి, మధ్యలో ఆపేయడంపైనా సాగర్ మాట్లాడారు. దిల్ రాజు బ్యానర్లో ప్రారంభమైన ఈ సినిమా కథకు, పేరున్న నటులు చేస్తే న్యాయం జరగదని, ఈ కథకు వినాయకే సరైన నటుడని దిల్ రాజు భావించారని సాగర్ తెలిపారు. అయితే, తర్వాత వారిద్దరూ ఆ కథ చేయొద్దని నిర్ణయించుకున్నారని ఆయన పేర్కొన్నారు. వినాయక్ సరైన నిర్ణయాలు తీసుకుంటారని, తన సినిమా వల్ల ఎవరైనా నష్టపోతే, అది తనకు బాధను కలిగిస్తుందని సాగర్ వెల్లడించారు. అందుకే వినాయక్ తన డైరెక్షన్లో కొన్ని సినిమాలకు డిస్టిబ్యూటర్స్ కు డబ్బులు తిరిగి ఇచ్చి, తన బాధ్యతను నిర్వర్తించారని సాగర్ స్పష్టం చేశారు.
అంతగొప్ప వ్యక్తి మరణం నా సినిమాల మీద ప్రభావం చూపించింది.. ఆయన లేని లోటు స్పష్టంగా కనిపిస్తుంది
తెలుగు చిత్ర పరిశ్రమలో ఇలా డబ్బులు తిరిగిచ్చే అలవాటు లేదని, తమిళంలో రజనీకాంత్ మాత్రమే ఇలా చేసేవారని సాగర్ ప్రస్తావించారు. శ్రీను వైట్ల కెరీర్పైనా సాగర్ తన అభిప్రాయాలను పంచుకున్నారు. దూకుడు, ఢీ వంటి విజయవంతమైన చిత్రాలు తీసినప్పటికీ, కొంత కాలంగా శ్రీను వైట్ల సక్సెస్ లేక ఇబ్బందులు పడుతున్నారని సాగర్ చెప్పారు. ప్రస్తుతం విష్ణుతో డీ అండ్ డీ అనే సినిమా చేస్తున్నారని, అయితే దాని షూటింగ్ ఇంకా పూర్తికాలేదని, అది ఏ దశలో ఉందో స్పష్టం కాలేదని తెలిపారు.
ఇవి కూడా చదవండి
ఆ సినిమాలో ఛాన్స్ అడిగితే ఆ హీరో వద్దు అన్నారు.. షాకింగ్ విషయం చెప్పిన రాజశేఖర్
మరిన్ని సినిమా వార్తల కోసం ఇక్కడ క్లిక్ చేయండి.