సొంత ఇల్లు కట్టుకోవడం లేదా సొంత వ్యాపారం కోసం ఆఫీసు ప్రారంభించడం ప్రతి ఒక్కరి డ్రీమ్. అయితే నిర్మాణానికి ముందు అనుకూలమైన స్థలాన్ని ఎంచుకోవడం చాలా కీలకం. వాస్తు శాస్త్రం ప్రకారం సరైన వాస్తు గుణాలు కలిగిన స్థలంలో నిర్మాణం చేపడితే ఆ ఇంట్లో లక్ష్మీదేవి తాండవిస్తుంది. వ్యాపారంలో అభివృద్ధి లభిస్తుంది. స్థలం కొనుగోలు చేసే సమయంలో గమనించాల్సిన ప్రధాన వాస్తు నియమాలేంటో ఇప్పుడు చూద్దాం..
ప్లాట్, ఇల్లు లేదా దుకాణం కొనడానికి ఏ దిశ అత్యంత శుభప్రదమైనది అని ప్రజలు తరచుగా అడుగుతుంటారు. ప్రఖ్యాత జ్యోతిష్కుడు డాక్టర్ అజయ్ భంభీ ప్రకారం, ఏ దిశనూ శుభప్రదమైనదిగా లేదా అశుభప్రదమైనదిగా పరిగణించరు. ప్రతి దిశకు దాని స్వంత ప్రాముఖ్యత ఉంది. అందువల్ల, ఈ అపోహ నుండి బయటపడి వాస్తు సూత్రాలను ఉపయోగించండి.
ప్లాట్ కొనుగోలు చేసేటప్పుడు, చుట్టుపక్కల వాతావరణం, నిర్మాణాలు మొదలైనవాటిని పరిగణించండి. ఆ ప్లాట్కు నీటి వనరు, ఖాళీ స్థలం ఉన్నా, లేదా ఉత్తరం లేదా తూర్పు వైపున ఎత్తైన చెట్లు లేకపోయినా, అది శుభప్రదంగా పరిగణించబడుతుంది.
ఇవి కూడా చదవండి
స్థలం ఆకారం:
చతురస్రం, దీర్ఘచతురస్రం: చతురస్రాకారం లేదా దీర్ఘచతురస్రాకారం ఉన్న ప్లాట్లు అత్యుత్తమమైనవి. ఇవి కుటుంబంలో శాంతి, ఆరోగ్యము, సమృద్ధిని ఇస్తాయి.
గోముఖి,షేర్ముఖి: ఇల్లు కట్టడానికి ముందు వైపు ఇరుకుగా, వెనుక వెడల్పుగా ఉండే గోముఖి (Gomukhi) ప్లాట్ శుభప్రదం. అదే ఆఫీసు లేదా వ్యాపారానికి ముందు భాగం వెడల్పుగా ఉండే షేర్ముఖి ప్లాట్ లాభదాయకం.
నివారించాల్సిన ఆకారాలు: త్రిభుజాకారం, గుండ్రటి, లేదా మూలలు విరిగిన ఆకారాల్లో ఉన్న స్థలాలను తీసుకోకూడదు.
దిశలు, వీధిపోటు:
ఉత్తమ దిశలు: తూర్పు, ఉత్తరం, ఈశాన్యం ముఖంగా ఉన్న స్థలాలు అత్యంత శ్రేయస్కరమైనవి. ఇవి సానుకూల శక్తిని ఆకర్షిస్తాయి.
వీధిపోటు: స్థలానికి నేరుగా ఎదురుగా వచ్చే రహదారులు ఉన్నప్పుడు జాగ్రత్త వహించాలి. ఈశాన్య వీధిపోటు శుభఫలితాలను ఇస్తుంది. కానీ, నైరుతి లేదా వాయువ్య వీధిపోట్లు తీవ్ర అశుభ ఫలితాలకు దారితీస్తాయి.
స్థలం వాలు :
స్థలం ఎత్తు పల్లాలు కూడా వాస్తులో ముఖ్యమైనవి. స్థలం వాలు ఎల్లప్పుడూ తూర్పు లేదా ఉత్తరం వైపునకు ఉండాలి. పడమర లేదా దక్షిణం వైపు పల్లంగా ఉంటే ధన నష్టం జరిగే అవకాశం ఉంటుంది.
చుట్టుపక్కల వాతావరణం:
స్థలానికి అతి సమీపంలో స్మశానవాటికలు, ఆసుపత్రులు, లేదా చెత్త కుండీలు ఉండకూడదు. అలాగే స్థలం మధ్యలో పెద్ద చెట్లు, విద్యుత్ స్తంభాలు లేదా గుడి గోపురం నీడ పడకుండా చూసుకోవాలి.
భూమిని కొనుగోలు చేసేటప్పుడు తొందరపడకుండా అనుభవజ్ఞులైన వాస్తు పండితుల సలహా తీసుకోవడం శ్రేయస్కరం. సరైన స్థలాన్ని ఎంచుకోవడం ద్వారా ఇంట్లో ఎల్లప్పుడూ సంతోషం, ఐశ్వర్యం నిలిచివుంటాయి.
Note : ఈ వార్తలలో చెప్పిన సమాచారం మత విశ్వాసాలపై ఆధారపడి ఉంది. కేవలం పాఠకుల ఆసక్తి మేరకు, పలువురు పండితుల సూచనలు, వారు తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.